​Futsal Coach & Referee National License Course

09th November 2017, 04:11AM

India-a futsal enkawltu leh khawvela futsal tournament lian ber 'Premier Futsal' buatsaihtu FUTSAL ASSOCIATION OF INDIA chuan December ni 6-8, 2017 khian Futsal Coach & Referee training course (seminar) Goa-ah a buatsaih dawn a, hetah hian an ngen angin FUTSAL ASSOCIATION OF MIZORAM pawhin training tur mi 3 ve ve a tir ve dawn a ni.

Course ah hian Theory & Practical te a awm dawn a, he course paltlang te chu National Level futsal tournament/ team enkawl theihna certificate / license pek an ni dawn a ni.

He hunah hian khawvela Futsal pawl lian ber Asociación Mundial de Futsal (AMF) (English - World Futsal Association) assessor tha ber ber Alex Astorgas leh Christian Roldan te chu instructor an ni dawn a ni.

DIL DUN TANA HRIAT TUR PAWIMAWH:

He course kal duhte chuan Futsal Association of Mizoram General Secretary emaw President address-in dilna an thehlut tur a ni. Dilnaah hian Biodata (Educational qualification, experiences, etc...) thil tel tur a ni ang. Dilna hi 'TLAU DENTAL DEPOT', Khatla Kawn, SBI Bank hnuaiah dah tur a ni ang.

COURSE FEES: Referees - Rs. 6000/- , Coaches - Rs. 9000/-

Kal man, thlen man leh ei leh in hi sponsor a awmdan a zirin Futsal Association of Mizoram-in a tumsak ang.

LAST DATE OF SUBMISSION: 13 Nov. 2017 (Monday)

THU BELH:

Futsal Association of Mizoram (FAM) chuan December ni 8-12, 2017 a Goa-a khelh tur 'NATIONAL SENIOR FUTSAL CHAMPIONSHIP 2017' ah Mizoram senior team a tir ve dawn a, hei hi Futsal lama Mizoram kailawn hmasa ber leh pawimawh berte zinga mi a nih ngei a beisei a ni.

Premier Futsal-ah star lian tak takte nena Mizo futsal player an khelhho hun hi a lo la thleng thuai ang...

ZAWH BELH DUH NEITE CHUAN A HNUAIA PHONE NUMBER AH HIAN ZAWH CHIAN TUR A NI ANG:

(LALNUNPUIA PACHUAU)

President

Ph No: 9612162460

.

(DUSTIN LALKULHPUIA)

General Secretary

Ph. No: 9615941619

Copyright © inkhel.com 2024. All rights reserved.