16 Apr 2018 04:09

PC Lala

inkhel correspondent and photographer

Futsal Coach-ah pariat an awm ta

Asian Football Confederation Level I Futsal Coaching Course chu Aizawlah neih a ni a, Mizoram coach pariat leh West Bengal atangin coach pakhatin an pass chhuak a, Mizoram Football Association chuan Asian Confederation hnuaiah futsal coach thar pariat a nei ta a ni. 

All India Football Federation chuan India rama futsal kalpui turin hma a la mek a, chumi kawngah chuan AFC ruahman angin futsal coach inzirna hi India ram hmun thlan bikah a buatsaih a, Mizoram chu training na hmun pakhatah thlangin FIFA Futsal World Cup thlenga tawn hriat nei tawh AFC Instructor StevenKnight, Australia instructor chuan futsal coach te hi zirtirna a pe.

 MFA coach zinga AFC Futsal Level I coach tling thar te: 

Lalremtluanga, Venghnuai

C Vanlalhriatrenga, Zemabawk

R Lalnunsangi, Bethlehem Vengthlang

Lalruatliana Sailo, Vaivakawn

Danny Lalduhawma, Ramhlun South

Laltuakliana Renthlei, Aizawl Venglai

Rohmingthanga, Lengpui

Samson Ramengmawia, Ramhlun South

(adsbygoogle = window.adsbygoogle || []).push({});