Rafael Nadal chuan Wawrinka hnehin a vawi 10 nan French Open no mawi a chawi ta a, record thar ropui tak a siam ta a ni.
French Open 2017 final-ah hian kum 31 mi Nadal chuan awlsam takin 6-2 6-3 6-1 in Swiss third seed Stan Wawrinka chu Paris-ah a hneh a, major title 15 a la ta bawk a ni. Tin, tun tournament-ah hian Nadal hian set a hloh miah lo bawk a ni.
Open era-ah tumah Grand Slam tournament-a Open pakhata vawi 10 lai champion thei mipa leh hmeichhia an la awm ngai lo, Nadal chu a vawi khat nan Open pakhatah vawi 10 a champion ta a ni.
Nadal hian Grand Slam champion hnem Pete Sampras chu a khum ta a, hetih lai hian Roger Federer erawh a la phak lo a, Roger hi vawi 18 a champion tawh a ni.
Clay court-ah na na na chuan Nadal aia ropui an awm lo, final-ah pawh hian Wawrinka hian a khan lo hle a, kawng engkimah Nadal a chungnung, game chanchin sawitur pawh a awm lo tluk a ni.
"Khawi event-ah pawh ka theih tawka thain ka khel thin. Hetih lai hian he hmuna ka khelh dan erawh sawi thiam loh khawpin ka khel tha a ni.
"Hemi hmuna ka thahrui hi chu hmun dang zawng zawng aiin a danglam bik a, ka career-ah he event hi chu a pawimawh fal nalh bawk a ni," tiin Nadal chuan inkhelh zawhah a sawi.
"Rafa, vawiin hian sawi tur ka nei lo, i tha thlawt e. Entawn tur ropui tak i ni chiang e, i inkhelh chhunga ka hmachhawn thei che hi ka inchhuang hle nghe nghe a ni," tiin chak zo ta lo Wawrinka chuan Rafa a lawmpui thu a sawi.
Hmeichhe lamah Ostapenko chuan 4-6 6-4 6-3 in Halep a hneh a, Men's doubles-ah Harrison leh Venus te an champion a, Women's doubles-ah Safarova leh Mattek-Sands an champion bawk. Mixed doubles-ah Dabrowski leh Bopanna te an champion bawk a ni.
French Open final-a Nadal-a chet dan :
- 2005 - beat Mariano Puerta (Argentina) 6-7 (6-8) 6-3 6-1 7-5
- 2006 - beat Roger Federer (Switzerland) 1-6 6-1 6-4 7-6 (7-4)
- 2007 - beat Roger Federer (Switzerland) 6-3 4-6 6-3 6-4
- 2008 - beat Roger Federer (Switzerland) 6-1 6-3 6-0
- 2010 - beat Robin Soderling (Sweden) 6-4 6-2 6-4
- 2011 - beat Roger Federer (Switzerland) 7-5 7-6 (7-3) 5-7 6-1
- 2012 - beat Novak Djokovic (Serbia) 6-4 6-3 2-6 7-5
- 2013 - beat David Ferrer (Spain) 6-3 6-2 6-3
- 2014 - beat Novak Djokovic (Serbia) 3-6 7-5 6-2 6-4
- 2017 - beat Stan Wawrinka (Switzerland) 6-2 6-3 6-1