French Open khelh mek chu an inthlifim chho zel a, vawi kua champion tawh Rafael Nadal leh champion lai Novak Djokovic chuan awlsam takin third round an lut.

Serbian Djokovic chu second seed niin, Portuguese Joao Sousa chu 6-1 6-4 6-3 in a hneh a, darkar hnih leh minute sarih an inkhel a. Novak hian Argentina mi Diego Schwartzman a hmachhawn leh ang.

Fourth seed Rafael Nadal chuan a thiamna court-ah a ropui zia a lantir leh a, awlsam takin Dutch Robin Haase chu 6-1 6-4 6-3 in a hneh a, Georgia mi Nikoloz Basilashvili a hmachhawn leh dawn a ni.

Hmeichhe lamah champion lai Garbine Muguruza chu World Number 99 Anett Kontaveit lakah a mualpho tep, Garbine Muguruza hian 6-7 (4-7) 6-4 6-2 a hnehna chang hramin third round a invaw lut a. Garbine Muguruza hian Yulia Putintseva a hmachhawn leh ang.