​French Open 2017 :Nadal leh Novak ten quarter final an lut

05th June 2017, 02:06PM

Rafael Nadal chu ropui takin a khel chho zel a, 6-1 6-2 6-2 in awlsam taka Roberto Bautista Agut a hneh hnuah French Open 2017 quarter final a lut ta.

Second seed Novak Djokovic pawh a chak chho zel, 7-6 (7-5) 6-1 6-3 in 19th seed Albert Ramos-Vinolas a hneh hnuah quarter final a lut ve bawk a. Last 8-ah Novak hian Dominic Thiem a hmachhawn ang.

Nadal chuan set lak loh a la nei lo, chutiang khawp chuan a khel tha chho. Third seed kum 23 mi Stan Wawrinka nen tun French Open-ah hian set hloh an la nei lo a ni. Nadal hian last 8-ah Pablo Carreno Busta a hmachhawn ang.

Nadal hian French Open-ah a vawi 10 nan champion a tum ruh hle, ropui takin a khel chho a, hetih lai hian quarter final-ah Novak nen an chak a nih chuan semi final-ah an inhmachhawn thei dawn tlat mai.

World number one Andy Murray chuan thawhtanni hian Fourth Round a khel dawn a, Russian Karen Khachanov nen an inhmachhawn dawn a ni.

Hmeichhe lamah Defending champion Garbine Muguruza chu tualchhung player Kristina Mladenovic chuan a hnawtchhuak a. Kum 23 mi Spaniard hi 6-1 3-6 6-3 in Suzanne Lenglen Court-ah a tlawm a ni.

Grand Slam winner vawi 7 lai lo ni tawh Venus Williams chu Swiss Timea Bacsinszky chuan a hneh a, hetiang a nih takah chuan tun inrinni hian French Open champion thar an awm dawn tihna a ni.

Copyright © inkhel.com 2024. All rights reserved.