June ni 30, Zirtawp tlai dar 4:00 PM khan Hotel Regency-ah Mizoram XI leh FPAI XI ten Exibition match an khelh tur ur- lawkna atan Press Conference neih a ni a, Pu Lalnghinglova Hmar Honorary Secretary MFA kaihruaina hnuaiah hun hlimawm tak hman a ni.
Mizoram XI leh FPAI XI hi July ni 1, Inrini tlai dar 2:30 PM-ah Rajiv Gandhi Stadium Mualpuiah anin khel dawn a, inkhel en man hi Rs. 100 leh Rs. 200 a ni. He inkhel atanga sum hmuhte hi tunhnaia Mizorama chhiatna hrang hrang tuarte tanpui nan pek a ni ang.
FPAI XI aiawh Michael Chopra chuan "Football-ah Mizo te hmasawnna kan hmuhin Mizoramah inkhelh kan chak a, Mizo mipui chevel kan hmu chak a ni." He Exibition match kan khelh den chhen hian FPAI Award pawh sem nghal tur a ni." a ti.
Mizoram XI aiawh Malsawmtluanga (Mama) chuan "Mizo mipui atam thei ang ber inkhel en turin kan sawm a, Mizo ten football kan ngaina a tuna kan match pawh hi tun hnaia chhiat tawkte pual anih angin mizo mipui ten min hlut sak turin leh a hmun ngei a inkhel rawn en turin kan in ngen a ni". a ti.
Kan hriat angin Mizoram hmun hrang hrangah khuarel chhiatna kan tih mai a thleng anih kha. Kan Mizo pui tam tak ten tuilian vangin an chenna in an chan a, silh leh fen, ei leh intur thlengin harsatna an tawk a, he inkhela pawisa hmuhte hi kan mizo pui vanduaina tawkte pual tur a ni dawn a ni.
FPAI players zingah hian players tawn hriat ngah leh Indian football a sul hnu ngah tak tak an lo fuankhawm a, Football ngaina tu tan chuan hmaih phal chi a ni lo.
Mizoram XI hi MPL Club atanga players tha tak tak kan tualchhunga kan lo hmuh fo te an han khel ho tur ringawt pawh hi a hmun ngei a enna tling a ni. Tin, State pawn kan mizo proffessional inkhel kan hmu dawn bawk a ni.
FPAI aiawh hriat theih chin te::
Sl No.Hming
Goalkeeper
1, Abhijit Mondal
2, Sandip Nandy
3, Subrata Paul
Defender
4, Gouramangi Singh
5, Deepak Mandal
6, Narayan Das
7, Pritam Kotal
8, Gurjinder Kumar
9, Naoba Singh
Midfielder
10, Rana Gharami
11, Saran Singh
12, Holicharan Narzary
13, Seityasen Singh
14, Jackichand Singh
15, Alfred Jaryan
Forwards
16, C.K. Vineeth
17, Michael Chopra
(adsbygoogle = window.adsbygoogle || []).push({});