India rama footballer intel khawm pawl, Football Players Association of India (FPAI) leh Mizoram Football Association tangkawpin an buatsaih FPAI XI leh Mizoram XI ten July 1, Inrinni chawhnu dar 2:30 PM khan 2017 Rajiv Gandhi Stadium-ah exhibition match an khel a, chak zawk awm lo in khelmual an chhuah san ta a ni.
Inkhel chawlh lailawk laiin India rama football player sang chawimawina sem a nih bakah Mizoram a chhiatna tuar te tanpui nan hian MFA Leh FPAI chuan Pu Lalthanhawla chief minister hnenah Rs 2,00,000/- an hlan a ni.
FPAI Awards 2017 dawng tu te:
Coach of the year :- Khalid Jamil, Aizawl FC
Young player of the year :- Udanta Singh, Bengaluru FC
Indian Footballer of the year :- Anas Edathodika, Mohun Bagan/Delhi Dynamos
Foreign player of the year :- Alfred Jaryan, Aizawl FC
Fans player of the year :- CK Vineeth, Bengaluru FC
Special Awards dawng te :- Deepak Mandal, Sandip Nandy, Ranjan Chowdhury, S.Malsawmtluanga leh Mizoram Football Association
Mizoram XI 2-2 FPAI XI
(Samuel Lalmuanpuia 10', Jeje Lalpekhlua 34') (Bhaichung Bhutia 86', Seityasen Singh 90')
India rama footballer tha rual leh, Mizo player tha thlan khawmte inkhel hi a hmuh nawm hle a, Mizoram chuan first half-ah sihnih faiin hmahruai mahse, FPAI chuan second half-ah an siphurh an sut a, chak zawk an awm ta lo a ni.
Inkhel tan a ni a, Mizoram chuan inkhel thu nun zawkin Brandon-a chuan goal thunna hun tha hloh mahse, minute 10-ah Didika ball vawr luh tha zet chu box chhung a awm Samuel-a chuan chiang zetin apet goal thung. Mizoram chuan nawr chhunzawmin Jeje-a, Samuel-a leh Brandon-a te chuan FPAI keeper Subrata Paul an rum thaih leh bawk. FPAI chuan an siphurh sut tumin nawr let ve bawk mahse, Chopra leh Narzary ten clear chance an nei thei lo. Mizoram chuan an hun tha neih hmang tangkaiin minute 34-ah Samuel-a thawhrah sengin Jeje-a chuan an goal hnihna a khung a, goal dang luh belh lo in chawlh lawk an hmang ta a ni.
Second half-ah FPAI tan Bhaichung lutin inkhelah danglamna a rawn thlen nghal a, C.K Vineeth leh bench atanga lut Seityasen Singh chuan goal an khung teuh hle. FPAI chuan an siphurh sut tumin counter attack-in an nawr chhunzawm a, minute 86-ah Jackiechand Singh ball pek tha zet chu Bhaichung chuan goal-ah chan tirin an goal khatna a khung a, Mizoram chuan hnehna an chang dawn emaw tih hnu hun tawp nan minute 1 pawh awm tawh lo ah Bhaichung thawhrah sengin Seityasen singh chuan an siphurh sutna goal a khung ta a ni.
(adsbygoogle = window.adsbygoogle || []).push({});