​FPAI vs Mizoram XI match atanga sum hmuh chhiatna tawkte hnenah hlan a ni dawn

21st June 2017, 12:06AM

India rama footballer intel khawm pawl, Football Players Association of India (FPAI) leh Mizoram Football Association tangkawp chuan, July 1, 2017 Rajiv Gandhi Stadium-ah exhibition match an buatsaih dawn a, he inkhela sum tling khawm atang hia tun hnaia chhiat tawkte tanpuina atan sum an pe dawn a ni.

FPAI President hmasa ber Baichung Bhutia chuan, "Tun hnaia Mizoramin chhiat a tawh thu kan hria a, FPAI angin sum nei tam lo mah ila theihtawpa puih ve kan duh a ni. Hei vang hian kum danga zan lama award kan sem thin pawh kan buatsaih lo mai ang a, khelmualah FPAI Awards pawh kan sem vek mai ang. Sum kan hmuh chhuah angte hi chhiat tawkte tanpuina atan Mizoram Chief Minister kutah hlan kan duh a ni," a ti. Baichung chuan, "Tun hnaia football lama Mizoram hmasawn zia kan hria a, hei vang hian Mizoramah ngei FPAI hun pawimawh hi hman kan duh a ni," tiin Mizoram an thlan chhan a sawi bawk.

MFA Honorary Secretary Lalghinglova Hmar chuan, "Tun tuma inkhel hi FPAI leh MFA tangkawpion kan uatsaih tur ni mah se, FPAI pual inkhel bik a ni. Anni hian an kal leh thlenna sensote paih hnua a hlawkna dang awm ang ang chu Mizorama chhiat tawkte tanpuina turin pek an duh a, hei hi MFA chuan tha a ti takzet a ni. India rama footballer tha rual an rawn pungkhawm tur leh, Mizo player tha thlan khawmte nen an inkhel thei tur hi kan lawm takzet a ni," a ti.

FPAI leh Mizoram XI inkhel hi July 1, 2017 chawhnu dar 2:30-ah Rajiv Gandhi Stadium-ah khelh tur a ni a, inkhel en man hi Rs 100/- leh Rs 200/- a ni ang a; stadium chung lam hi Rs 200/- man a ni dawn a,a hnuai lam hi Rs 100/- man a ni thung ang.

Mizoram XI player-te chu:

MFA chuan Mizoram XI team tur hi a thlang fel tawh a, India rama player langsar tak takte bakah tualchhung player tha an inoawlh ang. Santosh Trophy 2017-a Mizoram team atangin player paruk an tel a, a dang zawng chu I League leh Indian Super League team hang hranga khel Mizo player-te an ni ang. Hetihlai hian Mizo player tha pariat ngawt mai chu India Under 23 team-ah koh an nih avangin Mizoram XI-ah hian thlan tel an remchang ve lo a ni.

Mizoram XI

Goalkeepers:

1. Lalthuammawia, Bengaluru FC

2. Lalmuanawma, Chanmari FC

Defenders

3. Zohmingliana, Aizawl FC

4. Robert Lalthlamuana, East Bengal

5. Sena Ralte, Bengaluru FC

6. Lalrinchhana Tochhawng, Chanmari FC

7. Lalrinzuala Khiangte, Aizawl FC

8. Lalchhuanmawia, ONGC, Mumbai

9. Lalhmunmawia, Mizoram Police FC

Midfielders

10. S Malsawmtluanga, Southern Samiti

11. Lalrindika Ralte, East Bengal

12. R Laldanmawia, Aizawl FC

13. Malsawmzuala, Bengaluru FC

14. Lalrinchhana, Chanmari FC

15. Lalfakzuala, Mizoram Police FC

16. Brandon VL Remdika, Aizawl FC

Forwards

17. Jeje Lalpekhlua, Mohun Bagan

18. Samuel Lalmuanpuia,, Shillong Lajong

19. F Lalrinpuia, Mizoram Police FC

20. William Lalnunfela, Aizawl FC

* Player-te khelhna club hi an khelhna hnuhnung bera an inziah luhna anga dah a ni.

Manager -R Lalramzauva

Asst Manager -RK Rozidinga

Coach -Danny Lalduhawma

Asst Coach -Samson Ramengmawia

Physio -Abhisag Vantluangpuii

Copyright © inkhel.com 2024. All rights reserved.