Transfer hun a hnai chho zel. Premier League, La Liga, Serie A leh hmun hrang hrangah enge thu thar awm? I lo thlir ang.
(adsbygoogle = window.adsbygoogle || []).push({});
-Manchester City chuan an defender John Stones chuan tun nipuiah club chhuahsan a duh phawt chuan an phal niin The Sun chuan a tarlang.
England international hian Pep Guardiola hnuaiah hmun a chang mang lo a, January thla atang khan inkhel bul a la tan miah lo.
2016-a Pound maktaduai 47-a an lei Stones hi Liverpool leh Arsenal ten an beisei niin sawi a awm bawk a ni.
-Barcelona leh Valverde kal zel dan tur
AS-in a tarlan danin Barcelona manager Ernesto Valverde chuan tun nipuiah Camp Nou a chhuahsan dawn niin a sawi.
An tarlan danin Copa del Rey a chawipui a; tin, LaLiga-ah hnehloh tawng loin a kal tluan pui mek bawk a. Athletic boss hlui kum 54 mi hian kum khat hnuah Catalan club hi a chhuahsan thei reng tih an sawi.
-Messi-a'n United zawm turin Neymar a hrilh
Don Balon-in a tarlan danin Lionel Messi chuan a team-mate hlui Neymar chu tun nipuiah Manchester United zawm turin a hrilh.
Neymar hian PSG a chhuahsan dawn a, sawm tu pahnih a nei - Real Madrid leh Manchester United.
Messi chuan a thianpa hi Barcelona hmelma Real Madrid-a lut lo turin a hrilh a, Old Trafford lama kal turin a hrilh niin he media hian a sawi a ni.
-Wenger thlaktu turin pawisa a nei tlem dawn
Arsene Wenger chuan tun nipuiah Gunners a chhuahsan tawh dawn a, Daily Telegraph-in a tarlan danin manager thar hian Pound maktaduai 50 chauh a nei dawn.
Arsenal hian tun season-ah club record tum hnih lai siamin player man to tak tak an lei a, Alexandre Lacazette leh Pierre-Emerick Aubameyang an lei hnuah kuminah sum hman tam an tum lo.
-West Ham-in Isco an ngam huai
Don Balon-in a tarlan danin West Ham chuan Real Madrid midfielder Isco chu Euro maktaduai 90 laiin an ngam a; tin, Spanish club hian an remti tawh niin an sawi.
Spain international hi tun season-ah first choice a ni lem lo a, nipuiah a chhuak dawn niin sawi a tam.
Hammers bakah hian Manchester City-in Isco hi an beisei ve mek bawk a, amaherawhchu London-a an thenawm te ang em em hi chuan sum thehchhuah an tum lo.
-Ronaldo lak nan De Gea ka phal - Mourinho
Jose Mourinho chuan Real Madrid-a a thawhpui thin Cristiano Ronaldo chu Old Trafford-ah seng luh a tum a, a manah goalkeeper David de Gea pawh a phal niin Diario Gol chuan a tarlang.
He dilna hi Blancos hian an remti lo a nih chuan Paul Pogba pawh a phal niin he media hian a sawi bawk.
-Bale Inter-ah
Real Madrid forward Gareth Bale chuan Inter Milan thuneitute a bia niin Don Balon chuan a tarlang.
Wales international hian hliam neuh neuh a neih bakah tun season-ah Zidane-a lung a ti awi tawk lo a, nipuiah a chhuak dawn niin an sawi.
Inter Milan hian ramchhungah leh Europe-ah an hlawhtlinna tuai thar leh an duh a, Bale leh Icardi inkawp tir an tum.
-Leipzig-in Alexander-Arnold an dil
RB Leipzig chuan Liverpool defender Trent Alexander-Arnold chu Germany-a lak an tum niin The Times chuan a tarlang.
He full-back hian tun season-ah Reds tan ropui takin a khel a, a season hmasa ber a hmang tha takzet. Thenkhat phei chuan World Cup-ah England tan khel turin an duh hial.
-Bayern-in Robert an ui
Bayern Munich striker chhuanvawr Robert Lewandowski chu tunhnaiah Real Madrid-in lak an tum a, amaherawhchu German club hian an phal dawn lo.
Striker tha mamawh Real Madrid hian Benzema chhuahtira Lewandowski lak luh an duh a ni.