"Football pawh a ni lo"; Iran khelh danah Carvajal lungawilo

21st June 2018, 11:06AM

Diego Costa chuan chakna goal thunin Spain chu 1-0 in chak mahse Carvajal chuan Iran khelh dan chu a sawisel a, football pawh nilo hialin a sawi.

Group B match pawimawh takah Spain chuan 1-0 in Iran an hneh a, Portugal nen point inangin hma an hruai ve ve.

(adsbygoogle = window.adsbygoogle || []).push({});

Right-back Carvajal chuan Iran defensive game chu a sawisel a, football pawh a nih loh thu a sawi.

"Team zawng zawng kha tlarhnung lamah an awm vek a, amaherawhchu hei hi chu an tactic pakhat a ni a, a pawi hran lo.

"Mahse min hliam hreh lo lutuk kha chu a manganthlak deuh chu a ni.

"Hei hi chu football pawh a ni lo," tiin Carvajal chuan a sawi.

Carvajal chuan Group B-ah hnehna an chan tak avangin a lawm thu a sawi a, Knockout stage an paltlang ngei a rin thu a sawi.

"Kan tan kawngkhar hawn kha a har em em a ni. Mahse clean sheet nei chungin hnehna kan chang thei a, a lawmawm hle. Point thum hlu tak kan hlawhchhuak a ni.

"Direct leh open taka khel thin team kan ni a, a lehpekah chuan (Iran ang) khatiang ang players kha kan hmachhawn tawh loh hram ka beisei," tiin a sawi bawk.

Copyright © inkhel.com 2024. All rights reserved.