Tunkar tawp inrinni zanah Champions League kan en anga, tun season football chu a zo tawh dawn. Season chawlh laiin World Cup a awm hlauh mai, football fans tan chuan duhthusam a ni ringawt.

Hetih lai hian World Cup hi June ni 14 atanga tan a ni chauh dawn sia, kar hnih leh tlem vel chu football match en tur a awm dawn lo. Enge kan tih tak ang? Movie kan en dawn nge Game kan khel zawk dawn? Nge World Cup en turin kan inla fit zawk mai dawn ami ni ang?

Serial film en duh tan Netflix leh Amazon Prime-ah en tur tha deuh deuh a tam mai. Netflix (SD) hi thla khatah subscription fee Rs. 500 a ni a, Amazon Prime hi kum khatah Rs. 500 vel chauh a ni. Amazon-ah hian movie pangngai a tha hlawm khawp mai, Hindi film en duh tan phei chuan duhthusam a ni ringawt.

Amazon lama sap film serial en duh tan, tunlaia film tha deuh deuh te : Mozart in the Jungle (4 Seasons), Red Oaks (3 Seasons), Goliath (1 Season), Transparent (4 Seasons), Fleabag (1 Season), One Mississippi (2 Seasons), Catastrophe (3 Seasons), Sneaky Pete (2 Seasons), Patriot (1 Season), The Marvelous Mrs. Maisel (1 season)

Netflix Original Series tha te : One Day at a Time, Stranger Things, Love, Bojack Horseman, Dear White People, GLOW, Godless, Unbreakable Kimmy Schmidt, The Crown, Master of None

Avengers Infinity War pawh a fiah a rawn awm hman tawh turah ngai ila. Lehkhabu chhiar duh tan Lalhmingchhuanga Zongte ziah 'Savun Kawrfual' kha chhiar ngei rawh u khai.

Gamer lam tan 2018 FIFA World Cup khelh tur a awm dawn a, tun thlaa game tlangzarh tha deuh deuh pawh a awm nual mai, Pillars of Eternity II: Deadfire ,Destiny 2: Warmind bakah thla tawp lama tlangzarh tur State of Decay 2, Dark Souls Remastered, Detroit: Become Human, Street Fighter 30th Anniversary Collection leh Moonlighter te pawh a awm e.