Brazil forward hlui Ronaldinho chuan politics luhchilh a tum hnai a, Patriota political party hmingin Brazil-ah Senate chuh ve a tum.

Kum 2002 World Cup-a Brazil champion puitu hian Minas Gera state-ah senate hmunruak chuh hi a tum a, Patriota Party hi tunhma chuan National Ecological Party tih an ni țhin niin Brazilian chanchinbu pakhat O Globo chuan an tarlang.

PSG, Barcelona leh AC Milan forward hlui hian Brazil president inthlan awm tura chuh tum Jair Bolsonaro pawh a hmu tawh a, March thla hian party inthlan a awm dawn a Bolsonaro hi an party leader anih loh chuan Senate hi a chuh a rinawm loh thung.

Brazil inthlanpui hi nakkum October thlaah neih tur a ni a, Bolsonaro hi an pui inkawp, nau ti tlak, silai hman duh lo leh sipai tha chakna ngaina lo mi niin an sawi.

Kum 2004 leh 2005-a FIFA World Player of the Year award dawngtu Ronaldinho hian club pariat tan khelin trophy vawikua a chawi tawh a, Copa America, World Cup leh Confederations Cup-ah Brazil a champion pui vek tawh bawk a ni.