Kum 1989 hnu lamah chiah internet hmuhchhuah a ni a, kum reilote chhungin nasa takin a thang, khawvel thlunzawm a ni chhunzawm ta a.
Kum 1994 hnu lamah English Media te chuan website an neih chho ve tan a, khatih lai khan daily newspaper, TV leh Radio-te chu football chanchin tarlanna an ni chauh a, TV rights pawh kha £191.5m vel chauhin Sky khan an lei. Vawiinah chuan BT Sport leh Sky Sport-in Premier League TV Rights a leina chu £5.14bn vel a kai hem mai. Hetiang English Premier League-in nasa taka hma a sawn chhan chu internet niin English Media-te chuan a ngai a ni.
Kum 2005 February ni 14 atang khan Youtube chu hman theiha chhawpchhuah a ni a. Khami hnu atang phei kha chuan inkhel lai video hmuh tur a awm chho ta zung zung mai. Hetih lai hian Premier League leh league lian dangte chuan an hlutna a ti bo nia ngaiin video post-te chu youtube neitute hnenah la thla zel turin an ti a, engemaw zat la thla thin mahse a dang a rawn awm zel a, an inthian seng lo a ni ber mai.
Premier League chuan internet-a an thil awlsam tak taka hmuh theiha tarlan a ni thin chu an hlutna a hniam phah nia an inngaih laiin nasa takin a vawrh ta zawk si a. Kum tinin Premier League entu an pun phah a, English Media ten video leh website an hmangtangkai thiam em em bawk nen. Vawiinah chian fixtures, results leh league table-te awlsam tak takin kan en zung zung thei ta a. Internet Social Media leh Social Networking websites a pawimawh zia club ten an hrechho a zel a, an club transfer thuthar leh inkhel chanchinte pawh twitter, facebook leh club website-ah te a rang thei ang berin an tarlang chho ta pawp pawp a, hei hian nasa takin club leh league a vawrh chho ta a ni.
Fans tam takin club an follow dul dul a, internet chu khawvel mipui tukverh a ni ta ber mai, chu chu sumdawng ten an hre chiang lutuk, club follow-tu ngahte kianga lar tumin contract lian pui pui an ziahpui chho tar chur chur a, chumi chhawr tangkai bertu club chu Manchester United an ni kan ti thei awm e.
Tuipui ral lam kan sawi chhoh laiin Mizoramah lut thut teh ang. Kum 2012 atang khan Mizoram chuan Football-ah bung thar a kai, India Football-a Mizoram kan hawi ve vah vah theihna chhan chu kum 2012-a tan Mizoram Premier League hi a ni. Mizoram Premier League leh tualchhung football hrim hrim a hlawhtlin chhohna chhan hrang hrang nia an hriat Football Association lamin an sawi thin zinga an sawi hmaih fo chu internet hi a ni.
Facebook hi Mizo nawlpui chuan kum 2008 vel atang khan kan khawih tan a, Footbal group tha tak tak, Football Fans Zone, War of Football Fans leh Football Sep ang tihte kha football fans tam tak luhkhawmna thin a ni. Tei Aug Hnamte leh Bec Bec Pachuau-te inhnialna phei kha chu a HOT tak zet a nih kha. Kum 2010 hnu lamah website pahnih inkhel.com leh ZoFooty.com a rawn piang nawlh mai. An theihtawpin Local Football an promote a, kum 2012 hnu lamah phei chuan mi nawlpuiin smart phone kan hmang chho ta bawk a, internet chu football chanchin sawina lun ber a ni chho ta zel a.
Kum 2012-ah MFA leh Zonet tangkawpin Mizoram Premier League tan a ni a, sports website pahnihin nasa takin an vawrh a, inkhelh zawh rual rualin a goal lai thlalak leh match report te nen internet-ah hmuh theihin an chhawp chho zung zung a. Mizoram Premier League Sawihona Facebook Group a awm hnu phei chuan tualchhung football hi a lar chho tak zet zet a ni.
Sports, Sumdawnna leh entertainment lam hi chu a hlawhtlin dawn chuan a lar a ngai. Print Media leh TV lama vawrh vak a ngaih rualin thalai tam tak TV en ngai mang lo leh chanchinbu chhiar ngai lem lo, mahse internet-a lut hnem em em an awm, chuvang chuan media hrang hrang an tan ho a ngai a, chung media zingah chuan internet hi thil ti trend awlsam bertu a ni ta fo mai, Sawrkar, MFA, TV leh Print media chu sawi lohva lum an ni a, chutih laiin Mizoram Premier League hlawhtlinna leh Mizoram Football hmasawn chakna chhan pakhat, a kar fung pawimawh tak chelhtu; internet-a tha thawhtute zawng zawngte inkhel.com chuan kan chhuang a, Facebook Group hrang hranga Football ti viral-tute kan theih ang angin kan han lawrkhawm a, telh hmaih palh kan nei nual ang, kim biai chuan a theih loh tih hretu in ni, telh awm tak telh loh palh kan nei ang, tin, an hming ziah dik loh pawh kan nei bawk ang, chungah chuan ngaihdam kan dil nghal a ni.
Mizoram Football-in nasa taka hma a sawn nachhan ber pakhat chu internet a ni a, internet-a football vawrh lartu Mizo thalaite chu :
Kima Stamford Bridge Gunner, Lalram Hluna, Sanga Red Devil Kop, Ben major, Ruat Saka,PMoia, Mafela Ralte, Lampard Tea, Puia Ralte Man City's, Rz Langel , Joute Kop, Fakoza Ralte, David Snafy Tochhawng, Valpuia, Carrick Lalthanmawia, inkhel.com administrators, zofooty administrators, Anghyhy FFZ Ok, Gloria Da Gunners, Remsanga Vala, Elfix Kithie Gunners, Ronson Alfield Kop Irre, Aida Lalpekhlui, Nausen Rodriguez, Maduhi Pachuau Chelsea Ngat, Fergie Babez Rn Zauva, Duata B Fanai, Hriattea Gooner, Sangi Kop Trafford, Ronson, Hilda hernandez, Ben Major Zote, Tea Stamford Trafford, Kima Kima Lampard Giggs, Alexis Ramchez, Tluangtea, Muchlike PhilipeCoutinho, Scholes R-a, David Lalawmpuia, Rafael Sangsangi Pachuau Man United, Sp Gunner Pachuau,Chimomtei Khalthang RedDevils, Ramhluni PC Nautei, Lal Hruaizela (Diss Boy), Thuz Tea , Xorm Confi, Chongthu Chhuana, Zovi LFC, Ramenga Hmar, Nixon V Rokhum, Sanga Gerrard KTBFFH, Remsy Chhakchhuak, Rolph, Ahmuni Man City's, Fela Tweaks.