Copa America atanga an tlak hnuah Brazil player te chuan Sao Paulo-ah chawlh an hmang mek a, Copa America an khelh laia Liverpool zawm Firmino chu thawhtanni khan Liverpool medical a paltlang ta a ni.

Hoffenheim atangin £29million-in Liverpool chuan an lei chhuak a, Reds doctor Andy Massey chu South America-ah Firmino medical nei turin a thlawk thla vang vang, zirtawpni leh inrinni liamta khan test ngai zawng zawng test a nih hnuah tawhtanni khan Liverpool Echo chuan Firmino hian medical a paltlang thu a tarlang ta a ni.

Kum 23 mi Brazil forward hian kum 5 chhung atan Liverpool-a khel turin contract a ziak tawh a, Liverpool chuan an player pahnih Firmino leh Coutinho te chu kar thum chhung chawlh a pe a, hemi zawhah erawh Liverpool training an zawm ve tawh dawn a ni.

Liverpool hian Bangkok lamah pre-season tour an nei dawn a, Far East Asia leh Australia an fan chhungin Firmino leh Coutinho te hian Liverpool team an zawm hman dawn lo. Liverpool hmachhawn turte : Thai All Stars (July 14), Brisbane Roar (July 17), Adelaide (July 20) and Malaysia XI (July 24. Firmino hian khawchhak lam tour a chhim hman dawn lo a nih chuan August ni 1-a Finland club HJK Helsinki an hmachhawn hunah erawh Liverpool tan a inlan ve hman a beiseiawm.