Fifa chuan Man Utd goalkeeper David De Gea-a'n Real Madrid a zawm theih loh leh thut nachhan ni thei awm thil awmte a zirchiang dawn tiin Daily Mail chuan a chhuah.
Tun nipui transfer boruak titi lian bera sawi theih De Gea transfer hi nizan mai kha chuan a fel hman tawh nia ngaih a ni a, club pahnihte an inrem fel vek hman tawha ngaih a nih hnuah a tlawlh ta hlauh a ni. De Gea-a transfer chungchanga lehkha pawimawh tih fel ngai te tih fel hman a nih loh avangin De Gea hian Madrid a pan leh thei ta lo a ni.
Nizan Spain sana a dar 11pm ah khan Spanish transfer deadline a thleng tawha, he deadline hi an nan hman loh avangin De Gea transfer chu a thleng ta lo a ni tiin Spain local media te chuan Man Utd thiam loh thu an report nghal bawk.
De Gea-a transfer a tlawlh nachhan ah club pahnihte an inmawhpuh tawn bawka, Real Madrid chuan Fifa ah he transfer a thlen hram theihna turin dilna an thehlut niin Daily Mail chuan a tarlang.