Fed Cup champion United States

13th November 2017, 07:11AM

United States hmeichhiate chuan Fed Cup final-ah Belarus an hneh a, kum 17 hnua a vawikhat nan he intihsiaknaah hian an champion.

Minsk-a final khelhah hian 3-2 in US hian hnehna an chang a, final-ah hian vawinga inkhelha chak tam zawk zawk an champion țhin.

Deciding an khelh hmain US Open champion Sloane Stephens chuan 4-6 6-1 8-6 in Aliaksandra Sasnovicha hneh a, Belarus hian chhungkaw thil avangin Grand Slam-a vawihnih champion tawh Victoria Azarenka an chhawr thei lo.

2-2 a an inhnehtawk avangin deciding an khel a, Coco Vandeweghe leh Shelby Rogers inkawpin 6-3 7-6 in Aryna Sabalenka leh Sasnovich inkawp an hneh a an champion.

US hian Fed Cup trophy vawi 18 chawi tawhin champion hnem ber an ni a, champion hnem ber dawttu chu Czech Republic/Czechoslovakia niin vawi 10 an champion ve tawh bawk a ni.

Copyright © inkhel.com 2024. All rights reserved.