Fan-te tih hlim duhtu Wenger

01st May 2016, 04:05PM

Arsenal manager Arsene Wenger chuan an fans zawng zawngte a ti hlim theihloh vangin hrehawm a tih thu a sawi a, lungawilote hi tih hlim a duh thu a sawi bawk.

Gunners hian Inrinni zan khan 1-0 in Norwich City an hneh a, Premier League table-ah pathumna ni turin an kaisang.

Inrinni zana inkhelah hian Arsenal fans thenkhat chuan minute 12-na leh minute 78-naah stadium an chhuahsan a, 12 hi Premier League-a an champion tawh loh kum zat a ni.

An inkhelh zawh hnuin Wenger chuan, "Tute ngaihdan pawh hi kan zahsak a, kan theihtawp tak meuh meuh kan chhuah. Ka tih hlim vek theihloh vang hian pawi ka ti tak meuh meuh a, kan tih hlim vek theihna turin kan thawh chhunzawm zel ang." tiin a sawi.

Arsenal fans intelkhawm - Arsenal Supporters' Trust, The Black Scarf Movement leh Red Action-te'n Inrinni zana inkhelah hian lungawilohna an lantir a, "In thlak danglam a hun ta." tih inziahna poster an keng a, stadium chhuahsan an awm bawk.

Lungawilo thenkhat awm mahse French manager hian thlawp tlattu ala nei ve tho va, he'ng ho hi minute 12-naa stadium chhuahsan an awmlai hian "Arsene Wenger hi pakhat chiah a awm." tiin an au rual.

Sawi chhunzawmin Wenger chuan, "Club hi ka zah a keipawhin ka theihna tam tak club tan ka hlan. Mi tih hlim ka duh. Kan boruak kha a danglam a, fan-te hi team hnunga ding tlat emaw ka ti thin. Hetihlai hian an hlimna siam turin kan khel tha lo tih ka hria."

"Ngun taka kan khelhdan zirna leh endikna kan nei tawh a, mahse chak kan duh ber a kan ti thei." tiin a sawi.

Copyright © inkhel.com 2024. All rights reserved.