Formula 1 Austrian Grand Prix chu Pathianni hian a awm leh dawn a, Inrinnia qualifying-ah Mercedes driver Valtteri Bottas chu a tlan chak ber a, a teammate Lewis Hamilton khumin pole position a chang.
Drivers’ Championship-a hmahruaitu Lewis Hamilton chu Red Bull Ring-ah beisei angin a tlan chiah lo deuh a, a teammate Bottas aiin a muang hret a, Bottas hian pole position a chang a, Hamilton hi pahnihna atangin a tlan tan ang.
Ferrari driver Sebastian Vettel chu pathumna atanga tlan tur a ni a, mahse thuneitute chuan a chet dan chhui let tur an nei a, hemi azir hian a dinna tur pawh danglam leh thei a ni a. Vettel hian qualifying-ah Renault driver Carlos Sainz chu a dang lui niin an hria a, Vettel hian thiamloh a chang a nih chuan a tawp lam atangin a tlan tan a ngai dawn a ni.
Ferrari driver pakhat Kimi Raikkonen chu palinaah a awm dawn a, a hnungah hian Red Bull driver Max Verstappen leh Ricciardo te an awm a ni.