Formula 1 Austrian Grand Prix-ah Lewis Hamilton chu a tlan tluanchhuak thei lo a, Red Bull driver Max Verstappen chu pakhatna a ni.
Mercedes team tana ni duhawm lo takah Lewis Hamilton chauh ni loin, an driver pakhat zawk Valtteri Bottas pawh a tlan tluanchhuak thei bik lo a, point an hmu ta miah lo a. Ferrari driver Sebastian Vettel chu pathumna niin, drivers’ championship-ah Hamilton chu point 1 in a lehpel a, hmahruaitu a ni ta.
British driver Hamilton hi palinaah a tlan mek a, lap 8 chauh tlan a ngai tawh tihin a tlan chhunzawm thei ta lo a. A teammate Valtteri Bottas pawh gearbox chiang lo vangin a tawp thleng a tlan thei ta lo.
Ferrari driver Kimi Raikkonen chu pahnihna niin, a teammate Vettel chu pathumna a ni bawk a. Drivers’ championship-ah Vettel hian hma a hruai tak mai bakah constructors’ championship-ah pawh Ferrari hi pakahtna an ni ta bawk a. A hmaa pakhatna Mercedes aiin point 10 in an sang tawh a ni.
Kum 33-a upa Lewis Hamilton hian tlan tluanchhuah theih loh a nei khat hle a, a hnuhnung ber chu 2016 Malaysian Grand Prix kha a ni a, an team tihsual tuarin point hi a hmuh loh phah a, an team pawhin an tuar ta a ni.
Haas Ferrari driver Romain Grosjean chu palina niin, a teammate Kevin Magnussen chu pangana a ni a. An hnungah hian Force India driver pahnih awmin, Esteban Ocon chu parukna a ni a, a teammate Sergio Perez chu pasarihna a ni.
McLaren Renault driver Fernando Alonso chu pariatna a ni a, Sauber Ferrari driver pahnih Charles Leclerc leh Marcus Ericsson te chu a hnungah hian an awm bawk a ni.
Austrian Grand Prix Result
1 Max Verstappen Red Bull Racing
2 Kimi Räikkönen Ferrari
3 Sebastian Vettel Ferrari
4 Romain Grosjean Haas Ferrari
5 Kevin Magnussen Haas Ferrari
6 Esteban Ocon Force India Mercedes
7 Sergio Perez Force India Mercedes
8 Fernando Alonso McLaren Renault
9 Charles Leclerc Sauber Ferrari
10 Marcus Ericsson Sauber Ferrari
11 Pierre Gasly Scuderia Toro Rosso Honda
12 Carlos Sainz Renault
13 Lance Stroll Williams Mercedes
14 Sergey Sirotkin Williams Mercedes
Drivers’ Championship
1 Sebastian Vettel 146
2 Lewis Hamilton 145
3 Kimi Räikkönen 101
4 Daniel Ricciardo 96
5 Max Verstappen 93
6 Valtteri Bottas 92
7 Kevin Magnussen 37
8 Fernando Alonso 36
9 Nico Hülkenberg 34
10 Carlos Sainz 28
11 Sergio Pérez 23
12 Esteban Ocon 19
13 Pierre Gasly 18
14 Charles Leclerc 13
15 Romain Grosjean 12
16 Stoffel Vandoorne 8
17 Lance Stroll 4
18 Marcus Ericsson 3
19 Brendon Hartley 1
20 Sergey Sirotkin 0
Constructors’ Championship
1 Scuderia Ferrari 247
2 Mercedes AMG Petronas Motorsport 237
3 Aston Martin Red Bull Racing 189
4 Renault Sport Formula One Team 62
5 Haas F1 Team 49
6 McLaren F1 Team 44
7 Sahara Force India F1 Team 42
8 Red Bull Toro Rosso Honda 19
9 Alfa Romeo Sauber F1 Team 16
10 Williams Martini Racing 4