​Everton-ah Walcott-a'n medical a nei fel ta

17th January 2018, 04:01AM

Theo Walcott chu Everton-ah a dawn ta niin a lang a,Everton-ah hian medical test pawh a nei tawh a ni.

Kum 28-a upa Walcott manah hian £20m in club pahnihte an inrem nia report a ni a, a club hlui Southampton lamin lakkir tum viau mahse Everton hian an ngam huai zawk avangin Merseyside lam a pan dawn ta a ni.

Walcott hian Arsenal tan game 397 khelin goal 108 a thun a, Arsene Wenger-a hnuaiah hmun nghet a chan hleihtheihloh avangin Arsenal hi a chhuahsan dawn ta a ni.

Arsenal hian £20m in Walcott hi an hralhchhuak thei a nih chuan he sum hi Dortmund striker Aubaneyang lakluh nan hman tel an tum niin report a awm mek, ani bakah hian Bordeaux forward Malcom chu lakluh tumin hma an la mek bawk.

Hetihlai hian Sanchez pawh an hralhchhuah ngei a rinawm ta bawk a, Manchester United lama Sanchez-a an hralh a nih chuan anni hnen atangin Henrikh Mkhitaryan chu lakluh ve ngei an tum niin a lang bawk.

Copyright © inkhel.com 2024. All rights reserved.