Europe-a inkhel zingah Barcelona striker Neymar chu player hlu ber niin CIES Football Observatory chuan a chhut a, Neymar hlut zawng hi £216m lai niin an chhutchhuak.

Kum 24 mi Neymar hi a team-mate Lionel Messi leh Ballon d'Or winner Cristiano Ronaldo-te aiin a hlu zawk a, Messi hlut zawng chu £149m nia chhut a ni a, Ronaldo hlut zawng chu £111m nia chhut a ni bawk.

England player zinga Top 10-a lang phak chu Harry Kane leh Dele Alli te an ni a, World record fee-a Manchester United-in an lei Paul Pogba chu top 5-ah awmin, Top 5-ah chuan ani hi Spain-a inkhel lo awmchhun a ni nghe nghe.

CIES Football Observatory hian player te chu an contract rei zawng, an kum zat leh an chet dan atangin an hlut zawng an chhut a, Premier League players 42 chu Top 100-ah langin, Chelsea midfielder Eden Hazard hlut zawng chu £89m a ni a.

Manchester United forward Anthony Martial (£81m), Manchester City forward Raheem Sterling (£75m) leh Leicester City striker Jamie Vardy (£45m)-te chu Premier League player hlu pawl an ni. West Ham midfielder Michail Antonio pawh top 100-ah a lang hlawl bawk a, a hlut zawng chu £31m nia chhut a ni bawk.

Player hlu Top 10

10. Eden Hazard (Chelsea) : £89m

9. Dele Alli (Spurs) : £96m

8. Paulo Dybala (Juventus) : £99.9m

7. Cristiano Ronaldo (Real Madrid) : £111m

6. Harry Kane (Spurs) : £122m

5. Luis Suarez (Barcelona) : £127m

4. Antoine Griezmann (Atletico Madrid): £132m

3. Paul Pogba (Man Utd) : £136m

2. Lionel Messi (Barcelona) : £149m

1. Neymar (Barcelona) : £216m