11 Jan 2017 10:53

Inkhel

Mizo Sports Website hmasa ber

​Europe-a inlan thei lo turin Partizan Belgrade hrem an ni

Uefa chuan Serbian club Partizan Belgrade chu ba an ngah lutuk avangin kum 3 chhung atan Champions League leh Europa League khel thei lo turin a hrem.

2015 Serbian SuperLiga champions Partizan Belgrade hi kum 5 liamta chhung khan ba pek theih loh an nei nual, Uefa dan chu vawi thum lai an bawhchhia a, hrem loh theih an ni ta lo a ni.

September 2016 khan Partizan Belgrade hian 2.5m euros (£2.17m) lai ba pek loh an neih thu Uefa chuan a tarlang. Heng an ba pek theih loh hi chhiah niin, heng tax-te hi Serbia sawrkar hnena pe tur an nih laiin kum 5 liamta chhung khan pek theih loh vawi 3 lai an nei a ni.

Kum 2013 khan Uefa chuan chhiah pek theih loh avangin bawkin kum khat chhung atan European competition-a tel thei lo turin Partizan hi a lo hrem tawh a ni. 

Source : bbc