Europa a kan champion a ngai- LVG.

14th February 2016, 04:02PM

Manchester United Boss sawisel hlawh tak Louis Van Gaal chuan season thara Champions LEague khel tur chuan Europa League-a an champion a ngaih tur thu a sawi. United hian nizan khan tlak hlau Sunderland chu an khelmual Stadium of Light-ah 2-1-in an hneh lo a ni.

United Boss hian hemi chungchang hi sawiin," Zanin game kan chak loh hnu hi chuan Europa League a champion hi kan tih makmawh a ni, Nimahsela team tha tak tak an tam avangin an awlsam lo hle ang." tiin a sawi. United hian 2012 khan Round of 32-ah Athletico Bilbao hneh loin an lo tla tawh a ni.

Mourinho-a'n season thara a thlak tur nia sawi Van Gaal hian inkhel chungchang pawh sawiin," kan inkhelh hmaa ka sawi ang khan hetiang game-ah hi chuan chak tur kan ni, nimahsela kan chak si lo. Keimahni bak in dem tur kan awm lo. Set piece atang goal hnih kan chhuah a, Sunderland khan min nawr na zawk bawk. " tiin an khelh dana a lawm loh thu a sawi.

Copyright © inkhel.com 2024. All rights reserved.