England boss Roy Hodgson chuan Joachim Low-a'n English football chungchanga ngaihdan a neih chu a ngaihdan a ni ve tho a ti a, chutih rualin tun dinhmuna a player enkawl te chu an that tawk thu a sawi thung. FA chief Greg Dyke-a'n harsatna awm thei te ti kiang turin hma a lak tur thu a sawi tawh kha tiin a sawi zui bawk.
Germany boss Low chuan Premier League club ten English player te hmasawnna tur an dal tih sawiin sum tam tak foreign player lei nana an hman chuan German football bikah hmasawnna a thlen phah hlauh bawk tiin a lo sawi tawh a ni.
Low chuan Manchester City chuan Kevin De Bruyne chu £54m sengin German club Wolfsburg atangin an leia, hetia Premier League ten sum an hman nasat hian tualchhung player naupang te hmasawnna tur a dal tih sawiin ram dang club te sum dinhmun an chawikan sak hlauh tiin a sawi.
Nidanga kan thu khel thin ang tho a ni. Heng thil thleng hi dan hleihtheih pawh a ni lova, tun dinhmuna England squad te erawh an tha tawk lutuk. Tih dan dang awm ngang lo pawh a ni lova, Chelsea pawhin Napoli lama inzir turin Nat Chalobah an chhuahtir hriha, hetianga tih pawh hi a sual tam ka ring lo tiin Hodgson chuan a sawi ve thung a ni.