August ni 28 atanga tan 2016 Duran Cup-ah vawiin tlai khan Aizawl FC chuan an match hmasa ber khelin 3-1 in Dempo SC lakah hnehna an chang a, Aizawl FC tan Bright Mends chuan goal hnih khungin Lalduatsanga chuan goal khat a khung bawk a ni.

Duran Cup hi khawvela Football Tournament upa ber pathumna niin, FA Cup leh Scottist Cup-te chu Duran Cup aia upate an ni. Kum 1888 atanga khan vawiinni thlengin khelh a la ni a ni.

Picture credit : Aizawl FC

Aizawl FC XI : T.Mawia, Ricky, Chullova, Ruatthara, Rinzuala, Bta, Rohminga(C), Brandon, Albert, Duata, Bright Mends

2016 Duran Cup hi Duran Cup vawi 128-na niin, Aizawl FC hi Duran Cup-a an vawi khat khelhna a ni a. Season liamta I-League Second Division Champion leh 2016/17 I-League khel tur Dempo SC chu Aizawl FC hian Harbaksh Stadium -ah 3-1 laiin an hneh a, Group B-ah Aizawl FC hian hma an hruai nghal a ni.

Pic : Bright Mends

Duran Cup vawi 128-naah hian team 12 an tel a, Group A leh B-ah inthenin Group Stage an khelh zawha Group khata titha pahnihte chuan semi final an khel dawn a ni. He Cup hi Ambedkar Stadium leh Harbaksh Stadium, Delhi-ah khelh niin September ni 11-ah Ambedkar Stadium-ah final khelh a ni ang.

Group B-ah Aizawl FC, Army Red, Dempo, Indian Air Force, Real Kashmir FC leh NEROCA te an awm a, Group A-ah DSK Shivajians, Army Green, Gangtok Himalayan, Indian Navy, Minerva Academy, leh Sporting Goa-te an awm. Aizawl FC hian August ni 31 chawhnu dar 3:30-ah Harbaksh Stadium, Delhi-ah NEROCA an hmachhawn leh dawn a ni.

Aizawl FC fixtures

31st Aug, 2016

03:30 PM Aizawl FC vs NEROCA

4th Sep, 2016

06:45 PM Army Red vs Aizawl FC