September ni 15, Zirtawpni tlai Mizoram Premier League Season 6 Round 3 inkhelah Dinthar FC leh Bethlehem Vengthlang FC te 2-2 in anin hneh tawk.
Dinthar FC tan Jackson Victor Ogheneochukchu leh Malsawma Chhangte chuan goal khat ve ve an khung a, Bethlehem VT tan Laldinliana Varte leh Ramengmawia chuan goal khat ve ve an khung bawk. He inkhelah hian Dinthar forward Jackson Victor Ogheneochukchu Man of the match-ah thlan a ni.
Dinthar FC 2-2 Bethlehem Vengthlang FC
(Jackson Victor Ogheneochukchu 45+1', Malsawma Chhangte 83') (Laldinliana Varte 42', Ramengmawia 61')
MPL Champion hmasaber Dinthar FC hian Foreigner pahnih midfielder Clarence Carter leh forward Jackson Victor Ogheneochukchu nei mahse season bul an tan tha lo a, Chanmari FC an hneh loh hnuah Ramhlun North FC hneh lo leh in Bethlehem VT an draw thung a, khelh tawhah point 1 an nei ve tawh a ni.
Mizo hlanga khel Bethlehem Vengthlang FC hian coach Chawngthansanga kaihhruaina hnuaiah Chanmari West hnehin bul an tan hnuah Mizoram Police FC leh Dinthar FC an draw thung a, khelh tawhah point 5 nei tawhin table-ah pathumna an hauh mek a ni.
Inkhel tan a ni a, team pahnih te anin nawr tawn zak zak hnuah Dinthar tan Samuel-a leh Jackson Victor Ogheneochukchu
chuan goal thunna hun tha a hlah a, Rammawia leh Nunsanga goal shoot tha zet chu Bethlehem VT keeper Ruatpuia chuan a dan sak ve ve bawk.
Bethlehem VT tan Rammawia goal shoot tha zet chu Dinthar keeper Msa chuan a dan sak a, Edenthara chuan goal kham a tauh per hlauh bawk.
Goal lut lo in chawlh lawk an hmang dawn emaw tih hnu minute 3 ala awmin Bethlehem VT tan Dina Varte chuan halfway line bul atangin goal ropui a khung a, he goal hi Dinthar keeper MS Dawngzela dinglam sirah mawi takin a goal a ni.
Dinthar tan Jackson Victor Ogheneochukchu chuan Added time-ah Lalthantluanga thawhrah sengin Jackson Victor Ogheneochukchu chuan an siphurh a rul thung.
Second-ah Dinthar FC tan Lalnunsanga (Talea) leh David-a rawn lutin an goal nawr ana sawt a, Biaknia goal shoot tha zet chu BVT keeper Ruatpuia chuan a dan sak.
Bethlehem VT tan Ramenga, Dinpuia leh Joseph rawn lut ve bawkin minute 61-ah Dina Varte ball vawrh luh tha zet chu box chhung a awm Ramenga chuan cool zetin an goal hnihna a khung leh ta a ni.
Bethlehem VT chuan hnehna an chang tawh mai dawn emaw tih hnu hun tawp nan minute 6 ala awmin Dinthar forward Jackson Victor Ogheneochukchu penalty hlawh chhuah chu Malsawma Chhangte chuan goal-ah chantirin an siphurh a rul a, point khat ve ve an hlawh chhuak ta a ni.
Dinthar FC hian Setember ni 18, Thawhtanni zan dar 7:30-ah Mizoram Police FC an hmachhawn leh ang a, Bethlehem VT FC hian September ni 19, Thawhlehni tlai dar 3:00-ah Chhinga Veng FC an hmachhawn thung ang.
(adsbygoogle = window.adsbygoogle || []).push({});