​Dinthar FC dinthar mek a ni, Zo United FC erawh a mawng lamah

04th November 2016, 05:11AM

MC Dowell's No. 1 Soda Mizoram Premiere League Season 5 Round 10 chu November ni 3, 2016 khan khelh tan a ni a, match hmasa berah Dinthar FC chuan 2-1 in Zo United an hneh a, he match-ah hian Dinthar FC Nigerian defender Balongun Hammed chu Man of the match-ah thlan a ni.

Zo United FC 1-2 Dinthar FC

(Malsawmtlunga 45+4') (Michael Lalremruata 20', Balogun Hammed 83')

Zo United FC XI:- Hmangaihzuala, Nunpuia, M Chhangte, Ruata, Mala, Dinmawia, R Mama, Rwmsanga, Valrina, Msa, Talea.

Dinthar FC XI:- Joseph, VN Tluanga, B Hammed, Titima, Zuala, Saitea, C Carter, Biaknia, Cho, Michael, Ruatpuia.

MPL5 Phase 1-ah khan Champhai Chhangphut field-ah an inhmachhawn a nih kha, kha match-ah khan 2-2 in an inhnehtawk a. An vawi hnih intawnnaah erawh Dinthar FC an chungnung zawk a.Dinthar FC hi Phase 2-ah an rawn che tha hle a, point 11 neiin dinhmun thalam an pan zel.

Inkhel tan a ni a, team pahnihte an but innawr tawn zak zak, Zo united FC tan Chhanrinpianga chuan free kick atangin goal a khung teuh le a, mahse Dinthar FC goalkeeper Joseph-a chuan a lo dan sak a.

Minute 20 an khel tling chiah tihin Dinthar FC chuan goal an khung a. An lak thar winger Cho Tsering Lapcha chuan mual dinglam sir atangin tha zetin ball a vawrh a, forward Michael-a chuan tauh goal-in an hmahruaina goal-a khung.

Chhanrinpianga chuan free kick atanga an si phurh rulna chance nei mahse Joseph-a a ding khawng tlat, First half tawp dawn added time-ah Zo United chuan H. Malsawmtluanga hmangin an si phurh an rul ta nge nge.

Second half-ah team pahnih te an intum tawk hle a, chungnung zawk pawh an awm lo. Dinthar FC chuan penalty hlawhchhuakin hma hruaina hun tha an nei. Michael-a chuan a goal hnihna khung tum hle mahse Zo United goakeeper Hmangaihzuala chuan Michael-a penalty pet chu a lo dan sak a.

Hun tawp dawn minute 7 a la awm tihin bench atanga rawn lut Dinthar FC wing bag Steve-a thawhrah chu B Hammed chuan goal-ah a chantir a. Steve-a cross tha zet hi Nigerian defender B Hammed chuan a tauh goal a, 2-1 in Dinthar FC chuan hnehna an chang ta a ni. Zo United an talbuai chhunzawm zel a, MPL-ah an inham tang zel dawn nge dawn lo sawi a har ta hle mai.

Copyright © inkhel.com 2024. All rights reserved.