Dea Gea manah United leh Real Madrid inrem tep ?

03rd July 2015, 01:07AM

Spanish Newspaper AS-in a tarlan danin Manchester United chu Dea Gea manah an tawlh hniam mek, United hian a tirin £35m chhiar mahse tunah chuan £25m velah an tla thla tawh, Dea Gea manah Real Madrid leh Manchester United te chu an inrem thei tep tawh.

Real Madrid hian £15m velin Dea Gea hi lakchhuah an tum nia tarlan a ni a, Manchester United hian Dea Gea hi contract thar zawrhin kar khatah £200,000 hlawh turin thlem mahse Dea Gea hian Real Madrid pan a tum ruh hle niin a lang, hei vang hian Man Utd chuan loh theih lohva an goalkeeper hi an hralh a ngai dawn ta niin a lang.

Chutih laiin Man Utd leh Real Madrid te hi Dea Gea chungchangah an inrem thei lo a nih chuan United hian an goalkeeper hi a contract tawp thleng chelh an tum dawn niin sapram media te chuan an tarlang. United senior pakhat chuan Dea Gea man chungchangah an tawlh hniam loh thu a sawi ve leh hnuhnawh a, Dea Gea hian a contract a hmang zo a nih chuan a free-in a duh duh club a zawm thei tawh dawn a ni.

Kum 14 liamtaa Juventus-in Parma goalkeeper Gianluigi Buffon an lei chhuahna kha goalkeeper man to ber record a la ni mek a, Juve khan £32.6m laiin Buffon kha an lei a nih kha. Manchester United chuan £28.6m in Ramos an dawr ve mek a, Man Utd hian to taka Ramos lei ai chuan Dea Gea mana tlem kaltir pawh an thlang zawk ngei ang tih hi Football pundit te chuan an ring tlat a ni.

Copyright © inkhel.com 2024. All rights reserved.