Real Sociedad in an man tak Manchester United manager hlui David Moyes chuan Europe a manager hna thawh leh ala duh thu a sawi.
Kum 52-a upa David Moyes hian Spanish club Real Sociedad hi tun season-ah a chet chhiatpui hle a, kum 1 a enkawl tling tep tihin a hna atanga ban a ni ta a ni.
Europe league lian a club enkawl leh ala tum thu Moyes hian sawiin, "Hun tha tak, Europe League lian a club enkawl theihna hun tha a rawn in her chhuak leh a nih chuan ka ngaihven hle ang" tiin a sawi.
David Moyes hian La Liga-a a hun hma chu a hlawkpui thu a sawi a, nasa takin amah pawh a siam that thu a sawi.
Moyes hian League pahnih chu khaikhinin Spain ah team tha ber ber an awm thu sawiin players tha ber ber te pawh Spain-ah hian an tam thu a sawi bawk a ni.
Real Sociedad-in an ban tak David Moyed hian Real Sociedad game 42 a enkawlah game 12-ah hnehna a chan pui a, game 15-ah a tlawmpui bawk a, an ban lai khan goal difference vangin relegation zone a awm a pumpelh hram hram mek a ni.