Rafael Nadal chuan 2017 ATP World Tour Finals hmain a dam țhat hman a beisei tih a sawi.

World number one Nadal hian kar hmasaa Paris Masters an khelh țumin a khup a ti hliam a, quarter-final thleng khelin a inhnuhdawk zui.

ATP World Tour Finals-ah hian David Goffin, Grigor Dimitrov leh Dominic Thiem-te nen group khatah awn awmho a, a game hmasa berah Thawhțanni hian Goffin a hmachhawn ang.

Kum 31 mi Nadal chuan, "Ka khup hi a dam țhat hman a beiseiawm. London-a inkhel tur hian ka mamawh ang chu ka ti vek a tunah chuan practice leh enthlak a ni tawh mai."

"Engmah a thlen loh chuan ka khel ang. Paris Masters hnu khan Doctor ka pan a inhnuhdawh kha hrehawm ka ti khawp mai. Intihsiakna hrim hrima inhnuhdawh hi a hrehawm a, a bikin Paris chhuahsan phei chu a hrehawm lehzual."

"Inah hawin Doctor hnenah ka in enkawl. Ka in enkawlna hian hna a thawh ka beisei. Season țha taka ka hman vangin ka inringtawk a intihsiakna pakhat chiah hmabak a awm tawh. Theihtawp ka chhuah ang." tiin a sawi.