Tunlai infiamna khawvela lar tak chu player-te celebration Dab Dance hi a ni awm e. Nizan Manchester United leh Stoke inkhel en chuan Jesse Lingard goal celebrate kha kan hre vek awm e, kha kha dab dance celebration chu a ni ti ila kan hre thiam turah ngai ang. Player dang tam tak footballer chauh lo pawhin an uar hle a, Juventus midfielder Paul Pogba pawh hian a uar hle.
He lam/celebration ching chhuak hmasatu chu American rap crew Migos an ni a, anni hian nikum khan Atlanta-ah he lam hi an ching chhuak tan a ni. He celebration hi a uar deuh phei chuan an lam pui hial thin a, nikum khan NFL player Cam Newton chuan hun tawp dawna a touch down a lawm tumin a lampui vak tawh a ni.
Premier League lamah chuan Manchester United English Winger Jesse Lingard-a'n he celebration hi a ti hmasa ber a, nikuma United leh Newcastle 3-3 a an indraw tum khan a goal thun lawm nan a lo hmang tawh a nih kha. Juventus Midfielder Paul Pogba phei chuan a lu-ah Dab tih a ziak lang nghe nghe. Everton Striker Lukaku mai bakah NBA lamah pawh Lebron James chuan a ching viau bawk. Australia Open Khelh zawh takah khan Victoria Azarenka pawhin a chak lawm nan Dab dance celebration hi a hmang bawk. Liverpool player Nathaniel Clyne leh Jordan Ibe pawhin hetiang hian goal an celebrate tawh bawk.
Football-ah hian goal celebration hrang hrang a tam hle a, C. Ronaldo a goal celebration pawh hi a lar hle a, ISL velah pawh Indian player-te pawhin an ching ve hle a nih kha. Corner Flag bula lam te, in vawrh vir te pawh nise player-te nuam tih ber pawl a ni awm e. FIFA khel thin phei chuan goal celebration hi nuam an tih ber pakhat a ni bawk. Aizawl-ah I-League kan khel meka MPL pawh qualifier khelh mek a ni bawk, he goal celebration hi kan mizo player emaw hnam dang player-te pawhin lo tive mahse mak lo ti suh ang che.
