English Champions manager Antonio Conte chu season khat chauh Stamford Bridge-ah cham mahse hun rei zawk atan Chelsea nena inthlunbeh a duh thu a sawi chhuak.

A season khatnaah Chelsea chu Premier League-ah a champion pui, zanin hian FA Cup final-ah Arsenal an hmachhawn dawn, heta hnehna an chang leh a nih phei chuan a season khatnaah Conte hian trophy lian pahnih a chawi thei dawn a ni.

Kum 47 mi Italian coach Conte hi Inter Milan nena sawi zawm a ni hman a, hetih lai hian League Managers' Association manager of the year atana an thlan Conte chuan tuna Chelsea-a a contract kum thum chhung bakah kum 2021 thleng cham a duh thu a sawi niin Guardian chuan a tarlang.

"Club-in hun rei zawk cham tura min duha; contract min zawrh a nih chuan ka inring reng e," tiin Conte chuan a sawi a ni. Chelsea hian £38m laiin Conte hi contract thar an zawrh leh dawn nia report a ni a, Conte chuan Chelsea-a a hlim em em thu a sawi bawk a ni.