McDowell's No.1 Soda Mizoram Premier League Round 9-a match pakhat Ramhlun North FC vs Aizawl FC chu inkhelh laia chhum a zin nasat lutuk avangin inkhel kaihruaituten an ti tawp lai lawk a, first half khelh a ni a, si khat faiin Ramhlun North FC chuan hma an hruai mek.

October ni 27 zan dar 7:00 PM match hi first half khelh hman a ni a, Ramhlun North FC chuan an striker thar Nigerian Onyeama Francis Okechukinu hmangin tan atanga minute 14-na lekah goal an khung a. Chhum a zin nasat lutuk avangin second half khelh theih a ni ta lo. Novemer ni 28 chawhnu dar 2:15 PM-ah second half khelh a ni dawn a ni.

MC Dowell's Mizoram Premiere League Season 5 Round 9 October ni 27, Ninga zan inkhelah Ramhlun North FC chuan Nigerian striker an lak luh Chennai senior Division League-a pawh goal riat lai khungtu Onyeama Francis Okechukinu anchhawr nghal a, goal khat akhung nghal a ni.

Ramhlun North FC 1-0 Aizawl FC

(Onyeama Francis Okechukinu 14')

Ramhlun North FC XI:- Sangpuia, Muantea, Oneyeama Francis, Muanawma, Chhaia, Ramdina, Anggu, Jerry, Sawmtea, Malsawma, Issac.

Aizawl FC XI:- T Mawia, Jona, Riky, Rinzuala, Brandon, Rohminga, Duata, Remsanga, B Thara, Middleton, Lawma.

MPL 5 Phase 1-ah Aizawl FC hian 2-1 in Ramhlun North FC hi an lo hneh tawh a, an intawn vawihnih naah Ramhlun North FC chuan si khat faiin Nigerian striker Francis hmangin hma an hruai mek. Ramhlun North FC goal hi minute 14-naa lut a ni a, Chhaia ball cross tha zet chu Aizawl FC defender-te tihsual karah Francis chuan a pet goal a. Onyeama Francis Okechukinu hi Chennai Senior Division League-ah te pawh lo khel tawh thin a ni a, Chennai League-ah hian goal 8 lai a season hnuhnung berah a khung a ni.

First half tawp dawn lamah Aizawlah chhum a zing nasa hle a, hun tawp nan minute 4 a la awm tihin chawlh lailawk a ni a, minute 30 lai an chawl nghe nghe. Aizawl FC hian first half-ah hian an si phurh rulhna hun tha tak Remsanga, Lawma leh Middleton-te hmangin nei mahse an hun tha an hmang tangkai thei lo a ni.