Khawvela footballer țha ber hi thlang dawn ila chuan Lionel Messi hian dinhmun sang tak a luah a rinawm a, dinhmun sangber a luah anih pawhin thilmak lutuk a ni hran lo bawk ang.
Argentina captain hian April ni 23 zanlaiah khan El Clasico-a Real Madrid an hmachhawn țumin goal hnih a khung a, Barcelona chakpuiin an inkhelhna hi Real Madrid khelmual Santiago Bernabeu-ah a ni nghe nghe.
Kum 29 mi hian 2004-2005 season (kum 2004 October ni 16) khan Barcelona tan a game hmasa ber chu La Liga-a Espanyol an hmachhawn țumin a khel a, hemi season-ah tho hian UEFA Champions League-a a game hmasa ber pawh Shakhtar Donetsk an hmachhawn țumin a khel bawk.
Catalan club senior team tan hian a goal hmasa ber erawh kum 2005 May ni 1 khan Albacete lakah a khung thung a, Barca tana a goal hmasa ber siamsaktu hi Ronaldinho a ni nghe nghe.
MESSI SULHNU:
Best Player in La Liga award vawiruk dawng tawh Messi hian El Clasico hnuhnung ber (April ni 23 zana an khelh)-a goal hnih a khung khan Barcelona tan goal 500 a khungna chiah a ni tel a, Ballon d'Or vawinga lai dawng tawh Messi hi sawinep theih a nilo.
* El Clasico-ah goal khung hnemte (hei hi La Liga-ah bik):
Lionel Messi (Barcelona) - 16
Alfredo Di Stefano (Real Madrid) - 14
Cesar (Barcelona) - 12
Raul Gonzalez (Real Madrid) - 11
Francisco Gento (Real Madrid) - 10
* Barca tan goal 500 a khungnate:
La Liga - 343
Champions League - 94
Copa Del Rey - 43
Spanish Super Cup - 12
FIFA Club World Cup - 5
UEFA Super Cup - 3
* Barca tan goal 500 a khungdan:
A ke veilamin - 402
A ke dinglamin - 74
A lu hmangin - 22
Chhan dang vanga goal a khung - 2
* Barca tan goal 500 a khungna hmun (venue):
Camp Nou - 282
Khualmual (away)- 204
Hmundang (neutral ground) - 14
* Barca tan goal 500 a khungna kawnga hun a hman dan:
0-15 minutes : 50
16 mins-30mins : 82
31mins-45mins : 90
46mins-60mins : 78
61mins-75mins : 74
76mins-90+mins : 125
Extra time : 1
* Barca tan goal 500 a khungna hmun (area):
Box chhung ațangin - 367
Box pawn ațangin - 46
Penalty ațangin - 60
Freekick ațangin - 27
* Season hrang hranga Barca tan goal a khung tawh dan:
2004-2005 season - 1
2005-2006 season - 8
2006-2007 season - 17
2007-2008 season - 18
2008-2009 season - 38
2009-2010 season - 47
2010-2011 season - 53
2011-2012 season - 73
2012-2013 season - 60
2013-2014 season - 41
2014-2015 season - 58
2015-2016 season - 41
2016-2017 season - 47 (Hei hi tun season a ni a, ala khungbelh nualin a rinawm)
* Season kal meka Messi sulhnu:
Game khelh tawhzat - 46
Goal khung tawhzat - 47
Midang pet goal tura siamsak - 14
# Photo: EPA