​Chhinga Veng in Chaltlang an SAWP!!

18th November 2016, 04:11AM

Mahuma Memorial Cricket Tournament, Suaka Memorial Cricket Ground a khelh mekah November ni 17, 2016 khan nikum lama finalist Chhinga Veng Cricket Club (3C) leh Chaltlang Sporting Club te chuan 1st Round-a match hnuhnung ber an khel a, 3C hian wicket 7 in Chaltlang SC hi awlsam takin an hneh a ni.

Ni. 18.11.2016 hian Round 2 tan leh nghal tur a ni a, Round 1-a Zarkawt Lords hneh lotu Champion lai Kulikawn CC leh President's Cup Champion Chanmarians CC te an inhmachhawn ang.

November ni 17 match-ah hian coin toss-a chak zawk Chaltlang SC ten vuak hmasak an thlang a, opener Joseph Lalmuanpuia chu a Duck out nghal pang mai. Chaltlang SC batting line up-a a buai nghal; Arbin Shahi tih loh Chaltlang SC batsmen-ah double figure kai tumah an awm lo.

Over 20 thleng bat ve mahse Chaltlang SC hian run 51 bak an tlin lova, 3C bowler ten wicket an la vek a, William Pachuau leh Lalnuntluanga ten Opening spell tha tak an vawm rawn a, State pawn atanga 3C in an lak Saidul Alam Fakur Balaskar ten rawn chhunzawm leh bawkin wicket 3 a rawn la a, target hniam tak 52 runs an intuk theih phah a ni.

3C vuak hun a thleng a, target hniam tak um nan ball 240 nei mahse net run rate tih that tumin 3C ten bul an tan tha thawkhat. Opener Abhay Joshi chuan ball 25 ah run 27 rawn vaw chhuak vatin; Lalnuntluanga pawhin ball 6 ah run 11 a rawn ve chhuak ve bawk a, Chaltlang lamin wicket 3 inhnaih tak takah la mahse awlsam takin over 7.5 ah 3C te hian an target hi umphak ta a, wicket 7 in hnehna an chang ta a ni.

18.11.2016 (9:15AM)

Kulikawn CC vs Chanmarians CC

Copyright © inkhel.com 2024. All rights reserved.