​Chhinga Veng FC in Dinthar FC an hneh

19th November 2016, 03:11AM

MC Dowell's No 1 Soda Mizoram Premier League Round 13 nihnihna inkhel hmasa zawkah Chhinga Veng FC chian 2-1 in Dinthar FC an hneh a, he inkhelah hian Chhinga Veng FC defender Emmanuel Chigozie chu Man of the match-ah thlan a ni. Phase1-ah team pahnih te hi 3-3 in an inhnehtawk tawh a, an intawn vawihnih naah Chhinga Veng FC an chungnung ta zawk a ni.

Chhinga Veng FC hian point 16 neiin table-ah pangana a hauh mek a, Point 18 nei Chanmari West FC nen point 2 chiahin an in thlau a, match khat hmabak anla neihah an pahnih hian November ni 24, Ningani zan dar 7-ah an in hmachhawn leh ang a, Chhinga Veng FC hian hnehna anchan chuan semifinal ticket an nei ang.

Dinthar FC 1-2 Chhinga Veng FC

(Cho TsheringLepcha 39') (Khawpuimawia 48', Ronald Zothanzama 50')

MoM: Emmanuel Chigozie (CVFC)

Inkhelh tan a ni a, team pahnih te an in nawr tawn zak zak hnuah Chhinga Veng tan forward Dawngtea chuan goal thunna hun tha vawihnih lai a hloh a, Dinthar FC lam chuan an chance neih hmasak hmang tangkaiin minute 39-ah corner an hlawh chhuah Saitea pet chu winger Cho Tshering Lepcha chuan an hmahruina goal atan akhunga, Chhinga Veng chuan nawr let nghal mahse, clear chance erawh an nei mai thei lo. Dinthar FC chuan 1-0 a hmahruaiin chawlh lawk an hmang ta a ni.

Second half-ah Chhinga Veng FC coach Chawnga'n Khawpuimawia luh tirin danglamna arawn thlen nghal; second half tan atanga, minute 2 aral hmain Khawpuimawia chuan Chhinga Veng FC goal khatna akhung nghal a, minute 2 aral leh hmain defender Zothana chuan freekick atangin an goal hnihna khung leh nghal zatin 2-1 in Chhinga Veng FC chuan hma an hruai ta a ni.

Dinthar FC chuan counter atrack-in nawr let mahse goal an thun belh mai thei lo. Chhinga Veng FC tan Dawngtea chuan cross bar vaawihnih lai apet per a, huntawp dawnah Dinthar FC tan bench atanga lut Samuela chuan an si phurh sutna hun tha a hloh ve bawk. Goal dang luh belh tawh lo in Chhinga Veng FC chuan 2-1 in hnehna an chang ta a ni.

(adsbygoogle = window.adsbygoogle || []).push({});

Copyright © inkhel.com 2024. All rights reserved.