Chhinga Veng FC in Bethlehem Vengthlang FC an hneh

16th November 2016, 06:11AM

MC Dowell's No 1 Soda Mizoram Premier League Season 5 Round 12 match hnuhnung ber chu November ni 15, Thawhleh zan khan Chhinga Veng FC leh Bethlehem Vengthlang FC ten ankhel a, Chhinga Veng FC chuan 2-0 in hnehna an chang ta a ni. He inkhelah hian Chhinga Veng FC forward MS Dawngliana chu Man of the match-ah thlan a ni.

Phase 1-ah Bethlehem Vengthlang FC hian 1-0 in lo hneh tawh mahse, an in tawn vawihnih naah Chhinga Veng FC hian hnehna an chang ve thung. 

Bethlehhem Vengthlang FC hian semifinal an lut chiang tawh a, Chhinga Veng FC hian point 13 neiin table-ah pangana an hauh a, point 13 nei ve bawk Dinthar FC hian parukna an hauh ta a ni.

Chhinga Veng FC 2-0 Bethlehem Vengthlang FC

(Joy MRona khar Raswai 2', MS Dawngliana 69')

MoM:- MS Dawngliana (CVFC)

Chhinga Veng FC XI:- Lalhmaa, K Patea, Felpuia, Emma, Dinliana, Joy, VL Lawma, VL Thanga, Paul, Dawngtea, Joseph.

Bethlehem Vengthlang FC XI:-Mala, Hruaia, Dinpuia, Hlima, Malsawma, Tuka, Astea, Pca, Apuia, Dinliana, Mawitea.

Bethlehem Vengthlang FC hian semifinal an luh tawh avangin Chhinga Veng FC an zuam sual deuh in alang; Chhinga Veng FC hian inhliam vanga an chhawr theih loh Dawngte an chhawr theih bakah state pawn player Emma an kawl a, season tawp lamah an in rem fuh dawn chauh thung.

Inkhelh tan atanga minute 2 lekah Chhinga Veng FC tan midfielder Joy-a chuan an hmahruaina goal akhunga, Bethlehem Vengthlang FC chuan nawr letin Mawitea leh Apuia ten goal thunna hun tha nei thin mahse, Chhinga Veng FC defender Emma an paltlang thei lo. Chhinga Veng FC tan Joseph-a leh Dawngtea pawhin goal thun belhna hun tha an hloh ve bawk. Goal dang luh belh lo in, 1-0 a Chhinga Veng FC hmahruaiin chawlhlawk an hmag ta a ni.

Second half-ah Behtlehem Vengthlang FC insiam tha mahse, clear chance an nei hlei thei lo, Chhinga Veng FC tlar hnung an khawng tlat thung. Chhinga Veng FC pawhin goal thun belh ngei tumin an nawr ve bawk a, Minute 69-ah Dawngtea chuan Chhinga Veng FC tan an goal hnihna khungin, 2-0 in hma anhruai a, hun tawp dawnah Bethlehem Vengthlang FC tan Mawite goal shoot tha zet chuan goal ban aper hlauh; goal luh belh tawh lo in Chhinga Veng FC chuan 2-0 in hnehna an chang ta a ni.

Chhinga Veng FC hian November ni 18, Zirtawp chawhnu dar 3:00-ah Dinthar FC an hmachhawn ang a, a chak zawk tan semifinal luh theih dan ala awm avangin inkhelh hmuhnawm tak ani ngei ang. Bethlehem Vengthlang FC hian zan dar 7:00-ah Aizawl FC an hmachawn thung ang.

Copyright © inkhel.com 2024. All rights reserved.