Mahuma Memorial Cricket Tournament Round 6-na khelh chhunzawm niin Chhinga Veng CC chuan Run 209 zetin Gorkha CC an sawp.

Toss-a vannei zawk Chhinga Veng CC hian Run an vawchhuak thiam tih an hriat avangin vuak hmasak an thlang a, inform Batsman K. Vanlalruata'n beisei a pha lo thung.

Opening batsmen Lalthlamuana'n (run 42), Lalhruaimawia Ralte (58), Lalnuntluanga (30)-te chuan an vawchhuak tha hle a, mahse he'ng zawng zawng aia langsar chu Ranji Trophy meuh lo khel tawh Samit Das niin ani hian Ball 99 ah Run 109 teh meuh a vuak chhuah avang in Over 40 a zawh meuh chuan 3C tr hian Wicket 7 hloh in Run 270 an vawchhuak a ni.

Gorkha CC tan all 240-ah Run 271 zet chak nan siam a ngai a, an chakloh chuan semi-final luhna chance an neih tawh dawnloh avangin Run Rate 6.78 a sang a an kal zel a ngai bawk.

Gorkha batsmen-te'n an risk nghal a tul a, tun Tournament-ah Run 200 chuang vawihmih lai vawchhuak thei Gorkha batsmen-te nidang anglo takin an chesual nghal.

An Top 4 batsmen pathum an Duck Out a, pakhatin run khat chiah a siam thei tawk a, Sameer Thapa (23) leh Deepak (14)-te theihtawp chhuahin awmzia a nei zo lo.

Batting lama Run 58 vawchhuaktu Lalhruaimawia Ralte chuan Over li a vawmah Run 23 pein Wicket thum ala a, Left Arm Pacer Raj Kumar Thakur chuan Over liah bawk Run 12 pein Wicket 4 ala ve thung.

Tun Tournament-a inhneh na nasa ber ni turin Chhinga Veng CC hian Run 209-in Gorkha CC hi an sawp a ni.

Match Summary:

Toss: Chhinga Veng (elected to Bat)

Chhinga Veng CC: 270/7 (40)

Gorkha CC: 61/10 (17)

Chhinga Veng CC won by 209 Runs

M.O.M: Samik Das

Round 6 (07.12.2017)

Zemabawk Pitchers vs Chanmarians CC