Real Madrid forward Cristiano Ronaldo chu a eizawn mekna Spain-ah chhiah awlruk thubuai a awrh ve maithei niin Spanish media te chuan an tarlang.
Portuguese Real Madrid striker hi Spain-a tax office te chuan chhiah awlru nia hriain, tunah hian a thil tih dik loh nia an ngaih hai lan tumin thu an kalpui mek.
Kum 32 mi Ronaldo hi kum 2011 leh 2014 inkarah khan 15m euros (£13m) lai chhiah awlruk tum avanga sum chheprelh nia puh a ni mek.
December thlaa documents put ruah khan a hming hlutna atanga a sum lakluh atanga income tax a chawi tur engemaw zat chu a chheprelh ta nia puh a ni a, hemi chungchanga puhna hi Ronaldo chuan a pha a ni.
Nilaini khan Spain Supreme Court chuan thla 21 jail tan tura a tih chhiah awlruk thubuai nei Lionel Messi chungchangah a dinna ngaia a din reng thu a puang a, hetih lai hian Barcelona leh Argentina foward hi jail a tan erawh a rinawm chiah loh.
Messi leh a pa Jorge hi chhiah 4.1m euros (£3.5m) lai awlru niin kum 2016 khan Spain-a tax thuneitute chuan thubuai an lo siam sak tawh a. Manchester United manager Jose Mourinho pawh December thlaa documents put ruah khan a hming a lang ve bawk a, Jose hian hei hi a pha nasa hle bawk a ni.