Chelsea chuan Tottenham left-back Danny Rose chu lakluh an tum dawn niin an sawi.
Atletico Madrid lamah Felipe Luis an hralh tak avang khan Chelsea hian Luis-a thlaktu an zawng mek a, Rose-a hming hi a langsar ber niin an sawi a ni.
Chelsea hian Rose-a man zat tur Tottenham hi chhiar turin an ti niin an sawi a, £15m velin Chelsea hian an lakluh theih a rinawm.
Kum 25-a upa Rose hi season kalta khan a che tha hle a, Tottenham manager Mauricio Pochettino phei chuan English zing a left-back tha ber ni mek angin a sawi a, hetihlai hian England tan koh ni mahse ala khel miah lo thung.
Tottenham hian season kalta khan £9m laiin Swansea ledt-back Ben Davies chu an lo laluh tawh a, Rose thlaktu tur an neih avangin a man phu tawk anga dawrtu an awm chuan Rose hi an hralh chhuah mai a rinawm hle.