November ni 1, Thawhlehni khan ADFA 1st Division League inkhelah Chawnpui FC chuan 5-3 in FC Kulikawn an hneh. Chawnpui FC hian Round 9 khel tawhin point 10 an nei a, table-ah parukna anla hauh rih a, FC Kulikawn hian Round 8 khel tawhin point 3 an nei a, table mawngphah anla luah lum rih bawk.

02:00 PM Chawnpui FC 5-3 FC Kulikawn

(Zodinpuia 35', 45', 50', Zarzokima 39', Laldawngkima 75' penalty) (Vanrammawia Ngente 18', 25', 33')

Chawnpui FC leh FC Kulikawn inkhelah goal riat lai lutin first half-ah goal ruk a lut a, second half-ah goal hnih alut thung. Chawnpui FC tan Zodinpuia chuan hattrick a siam a, FC Kulikawn tan Vanramawia chuan hattrick a siam ve bawk.

First half-ah FC Kulikawn chuan 3-2 in hmahruai mahse, second half-ah Chawnpui FC chuan 5-3 in an leh thal a, point 3 hlu tak anhlawh chhuak ta a ni.

Inkhelh tan atang a, minute 9-ah FC Kulikawn chuan penalty anhlawh chuah chu forward Vanrammawia'n pet goal lo mahse; minute 18-ah FC Kulikawn tan Vanrammawia chuan goal hmahruai akhung a, minute 15 aral leh hmain hattrick a siam hman bawk. 3-0 in FC Kulikawn chuan hmaanhruai a, Chawnpui FC chuan counter attack-in annawr let thung; midfielder Zodinpuia chuan minute 35-ah an goal khatna a thun a, minute 4 aral leh hmain midfielder Zarzokima chuan Chawnpui FC goal hnihna a thun leh hnu injury time-ah Zodinpuia bawk chuan an goal thumna thun leh in 3-3 in chawlhlawk an hmang ta a ni.

Second half-ah FC Kulikawn coach cum player Zothansanga (Valtea) lutin inkhelah danglamna thlen mahse, goal erawh an thun belh mai thei lo. Chawnpui FC coach Laldinthara ho te anphur a, midfield-ah ball an changhnem zawk. Minute 50-ah Zodinpuia bawk chuan an goal lina leh hattrick siam na goal akhung leh a, minute 75-ah penalty anhlawh chhuah chu Laldawngkima chuan pet goal-in Chawnpui FC chuan 5-3 in hnehna an chang ta a ni.

November ni 2, 2016 Nilaini Fixtures:-

02:00 PM Ramhlun FC vs Aizawl FC Academy

(adsbygoogle = window.adsbygoogle || []).push({});