May ni 11, Ninga tlai dar 5:00 PM khan Mizoram Super League Season 3 relegation playoff game 3 khelh a ni a, Chanmari Hollow chuan 79-76 in hnehna an chang ta a ni. Zarkawt Serpents erawh season tharah an hmel kan hmu tawh lo thung ang.
Relegation playoff game 1-ah Hollow hian hnehna chang mahse game 2-ah Zarkawt Serpents chuan hnehna an chang thung a, game 3-ah Chanmari Hollow chuan hnehna an chang nawn leh a. MSL 4 khel turin Division I-a pahnihna Dawrpui VR4 nen playoff an khel ang a, a chak zawk zawk hian MSL 4 an khel dawn a ni.
Inkhel tan a ni a, Chanmari Hollow tan Mohit Bhadu chuan bul tanin Zarkawt Serpents tan Sahil Sharma chuan bul a tan ve bawk. Serpents chuan inkhel thunun zawkin Sahil Sharma leh Jonathan Vanlalhriatpuia chuan point 4 ve ve an hlawh chhuak a, Joseph Remlalfaka chuan point 5-a hlawh chhuak ve bawk. Hollow tan Mohit Bhadu chuan point 4 hlawh chhuak ve bawk mahse midangin an thlawp that tawk loh an tuar thung.
Second quarter-ah Serpents chuan hmahruaizelin Kanip Shiv Kumar leh Sahil Sharma nen point 3 ve ve an thawk chhuak a, K Lalbiakzual chuan point 4-a thawh chhuak ve bawk. Hollow tan Vanlalthazual leh Lalruatfela te thawh hlawk viau mahse midangin an thlawp tha tawk lo thung. Serpents chuan 16-15 a hmahruaiin chawlh lawk an hmang ta a ni.
Third quarter-ah Hollow tan Vanlalthazuala leh R Lalnunpuia chuan rawn thawh hlawk viau mahse, Serpents tan H Lalthangliana chuan 3points-a rawn nei a, Sahil Sharma chuan point 11 zet hlawh chhuakin hmahruaitu zawkah an la tang chhunzawm zel thung.
Quarter hnuhnung berah Hollow tan Lalhmachhuana chuan danglamna an rawn thlen a, Lalhmachhuana chuan an hmahruiana point rawn hlawh chhuakin 77-76 in hma an hruai ta zawk a, Hun tawp nan minute khat ala awmin Lalhmachhuana bawk chuan free throw-a hlawh chhuah chu a rawn hmang tangkai leh a, hun a tawp meuh chuan Hollow chuan 79-76 in hnehna an chang ta a ni. Lalhmachhuana hian point 16 zet a hlawh chhuak nghe nghe a ni.
Inkhel pumpui thlirin Zarkawt Serpents hian quarter zawng zawngah inkhel thunun zawk mahse, quarter hnuhnung berah turnover an ngah an tuar thung. Sahil Sharma, Joseph Remlalfaka, H Lalthangliana leh Jonathan Vanlalhriatpuia te thawh hlawk hle mahse, Serpents an chakpui zo lo.
Chanmari Hollow hian hnehna an chang dawn lo emaw tih hnuah Lalhmachhuana a rawn che tha hle a, hun pawimawhah point a hlawh chhuak thei a, an chhandamtu a ni. An chakna a tan a thawh hlawk Lalruatfela, Vanlalthazuala leh R Lalnunpuia te sawi hmaih theih an ni lo bawk.
(adsbygoogle = window.adsbygoogle || []).push({});