MC Dowell's No 1 Soda Mizoram Premier League Season 5 Round 11 November ni 10, 2016 (Ningani) zan inkhelah Chanmari FC leh kaithar Chhinga Veng FC te 1-1 in an inhneh tawk a, he inkhelah hian Chhinga Veng FC defender Emmanuel Chigozie chu Man of the match-ah thlan a ni.

Chanmari FC 1-1 Chhinga Veng FC 

(Ramfangzauva 54') (MS Dawngliana 43')

MoM: Emmanuel Chigozie (CVFC)

Chanmari FC XI:- Muanawma, Ummunakwe, Zautea, Chhana, C Muana, MS Tluanga, Mabia-a, Fela Zote, Sawmfela, D Doz, Isak.

Chhinga Veng FC XI:- Lalhmaa, Felpuia, Emma, Patea, Dinliana, Joy, VL Thanga, Mka, Joseph, Dawngtea, Lawma.

Phase 1-ah Chanmari FC hian 4-1 in lo hneh tawh mahse, zanin an intawn vawihnihnaah erawh chungnung zawk an awm lo thung.

Chhinga Veng FC tan first half huntawp dawn minute 2 ala awmin freekick an hlawhchhuah Joseph-a pet chu box chhunga awm forward Dawngtea chuan atauh goal a, Chhinga Veng FC chuan 1-0 in hma anhruai a, second half tan atanga minute 9 aral hmain midfielder MS Tluanga free kick pet atanga Fela Zote thawhrah sengin defender Ramfangzauva (Zautea) chuan Chanmari FC tan an si phurh sutna goal-a thun nghal zat thung. Team pahnih te hian goal thun belhna hun tha nei thin mahse,  goal erawh aluh belh tawh lo. 1-1 a inhneh tawkin khelmual an chhuah san atul ta a ni.

Chanmari FC hian point 20 nei tawhin table-ah pahnihna an hauh chhunzawm zel a, Chhinga Veng FC hian point 10 neiin table-ah pasarihna an la hauh ve bawk.

Chanmari FC hian November ni 14, Thawhtan ni chawhnu dar 3:00-ah Chanmari West FC an hmachhawn ang a, Chhinga Veng FC hian November ni 15, Thawhleh zan dar 7:00-ah Bethlehem Vengthlang FC an hmachhawn thung ang.