September ni 30, Zirtawp zan inkhelah Chanmari West FC chuan 2-1 in Chanmari FC an hneh a, he inkhelah hian goal hnih khungtu Chanmari West captain Laldampuia chu Man of the Match-ah thlan a ni.
MC Dowell's No 1 Soda Mizoram Premier League Season 5 Round 6 khelh zawh a ni a, Chanmari Derby inkhelah goal thum lutin Chanmari West FC tan Dampuia chuan goal hnih khungin, Chanmari FC tan Sawmfela chuan goal khat a khung ve bawk.
Chanmari FC 1-2 Chanmari West FC
(Malsawmfela 58') (Laldampuia 8', 43')
MoM: Laldampuia (CWFC)
Chanmari FC XI :- Msa, Rosanga, Notea, Chhana, Thomasa, Rinchhana, MS Tluanga, Rammawia, Muanzova, Sawmfela, Tsa.
Chanmari West FC XI:- Mama, Zuia, Toky, Awmpuia, Calvin, Valtea, Temama, Muanzuala, Hlutea, Dampuia, Zama.
Inkhel tan a ni a, Chanmari West FC chuan chance nei hmasa zawkin Dampuia goal shoot tha zet chuan cross bar a per hnu minute 8-ah Lianzama leh Danmawia thawhrah sengin Dampuia chuan goal hmahruai akhung nghal zat a, Chanmari FC an tal buai chhungin Chanmari West striker Lianzama goal shoot tha zet chu Chanmari FC keeper Msa'n adang hman hram a ni. Chanmari FC chuan an siphur sut ngei thumin an nawr let a, Sawmfela'n a pet goal na hun tha a hloh thung. Huntawp dawnah chhumzing vangin inkhel minute 1 chawlh a nih hnuah inkhel chhunzawm a ni a, Chanmari FC tan Thasiama'n an siphur sutna hun tha a hloh bawk. Huntawp nan minute 2 ala awmin Lianzama ball cross tha tha zet chu Dampuia chuan an goal hnihna a tan akhung leh a, Chanmari West FC chuan 2-0 a hmahruaiin chawlhlawk an hmang ta a ni.
Second half-ah Chanmari FC chuan an siphur sut ngei tumin counter attack-in an nawr a, Thasiama leh Sawmfela ten goal thunna hun tha nei mahse, Chanmari West FC keeper Ruatpuia tan hna hautak erawh an siam rih lo, minute 58-ah freekick an hlawh chhuah defender MS Dawngzela (Notea) pet tha zet chu box chhunga lo awm Sawmfela chuan pet goal mahse, goal dang erawh an khung belh thei tawh lo. Huntawp dawnah Isaac-a rawn lutin Chanmari FC tan danglamna a rawn thlen thei bik lo a, huntawpin a nang zui ta a ni. Chanmari West FC chuan 2-1 a hnehna changin point 3 hlu tak anhlawhchhuak ta a ni.
Chammari West FC hian khelh rukah point 10 neiin table-ah pathumna an hauh chhunzawm zel a, Chanmari FC hian khelh rukah point 11 neiin table-ah pahnihna an la hauh chhunzawm bawk.
Round 7 hi Champhaiah khelh tur a ni a, October ni 6, Ninganiah Chanmari West FC hian Aizawl FC an hmachhawn ang a, Chanmari FC hian Bethlehem Vengthlang FC an hmanchhawn thung ang.
