Champhai District Football Association inelna sang 1st Division League khelh mekah Round 4 khelh zawh a ni a. Round 1 hmabak awm mahse Champhai United in Final an lut chiang tawh a ni.
Vawiin inkhel Result
ZOTLANG FC 2-6 VENGSANG FC
Vawiin inkhel hmasa berah Zotlang FC leh Vengsang FC inkhelin Vengsang FC in 6-2 in hnehna an chang a, ZOtlang FC tan Min 17-naah Jonathan-a'n hmahruaina goal a khung a, Vengsang FC tan Zonunsanga'n an siphurh min 19-naah sut ve nghalin Vengsan FC tan Laltanpuia'n Min 23, 51 te goal khungin Vengsang FC hma a hruaipui a, Zotlang FC tan Ramnunsanga'n goal khat khung belh ve mahse, VengsangFC tan Zomuanpuia'n min 57-naah goal khung lehin Min 70-naah Vengsang FC goal 6-na leh ama goal 4-na turin Laltanpuia'n goal khung lehin Vengsang FC hian 6-2 in hnehna an chang ta a ni.
BETHEL FC 6-2 VENGLAI FC :
Inkhel vawi hnihnaah Bethel FC leh Venglai FC inkhelin Bethel FC in 6-2 bawkin Venglai FC an hneh ve leh a. Bethel FC Christopher-a'n min 5 leh min 16 te goal khungin si hnih faiin hma a hruaipui a, Min 28-naah Zonunthara'n goal khat khung belh lehin Min 32-na leh 70-naah Christopher-a bawkin goal a khung zui leh a. Venglai FC tan C Laldinthara'n min 73 naah goal a khung a, an mualpho lutuk hliahkhuh nan Min 79-naah Lalsailovan Venglai FC goal 2 na khung bawk mahse, Min 81-naah Isaac Lalrinngheta'n Bethel FC goal 6-na khungin 6-2 in Bethel FC in hnehna an chang ta a ni.
VENGTHLANG FC 1-5 CHAMPHAI UNITED FC :
Inkhel hunhung berah Champhai Utd Fc leh Vengthlang FC te inkhelin Champhai Utd FC in 5-1 a hnehna changin Table-ah hma hruaitu an nih chhunzawm a,Vengthlang FC erawh a mawngphahah an la awm chhunzawm zel. Champhai Utd FC tan Min 2-na leh Min 31 naah Saihmingthanga'n goal khungin, Min 11-naah Lallawmtluanga khung ve lehin Min 60 naah Khawpuimawia leh Min 74-naah Hmangaihkima ten Goal an khung ve bawk a. Vengthlang FC tan Lalrinawma'n Min 37-naah Goal khung ve bawk mahse Champhai Utd hian 5-1 in hnehna an chang ta a ni.
Round 4 khel zawh takah hnehna la chang vek Champhai United FC in point 12 hmuin hma an hruai chhunzawm zel a. Bethel FC in point 9 hmuin Pahnihnaah an awm a. Vengsang FC in point 9 tho hmu mahse Bethel FC aiin Goal Difference-ah am hniam zawk avangin Pathumnaah an awm a. Zotlang FC in point 4 hmuin Palinaah an awm a, Venglai FC in point 1 hmuin a hnuai ber dawtah an awm a. Vengthlang FC in point la hlawhchhuak loin a mawngphah an khar bawk.
Round 5 chiah khelh tur a awm tawh avangin Point 12 hmutu Champhai United hi Final lut chiang tawh an ni a. Bethel FC leh Vengsang FC inkhela chak zawk zawk nen Final an khel ang. Chak zawk an awm lo anih chuan Bethel FC hian Final an lut zawk ang. 2nd Div-a tla tur pawh ala chiang thei bik lova . Vengthlang FC leh Venglai FC inkhela chak lo zawk hi tla tur chiang sa an ni a, Venglai FC hian hnehna an changa Zotlang FC an chak loh chuan an chak loh dan a zirin Zotlang FC pawh hi Play Off khel thei dinhmunah an ding ve bawk. Round Five hi inkhel pawimawh thih leh dam kar vek a ni dawn a. Inrinni ah khelh a ni ang