CAS hnenah Russian infiammite an zualko

07th February 2018, 01:02AM

Russian infiammi 32 chuan Winter Olympics 2018-a tel ve phalsak an nih loh avangin an lungawilohna Court of Arbitration for Sport (CAS) hnenah an thlen.

Infiammi 32 zingah hian damchhunga hremte pawh an tel a, CAS chuan Nilaini hian an chungchang hi an ngaihtuah ang.

Winter Olympics 2018 hi Pyeongchang, South Korea-ah February ni 9 hian țan tur a ni a, Russia hi International Olympic Committee (IOC) chuan damdawi hman phalloh an hman avangin a hrem.

Hrem tawk mahse IOC hian Russian infiammi 169 chu Winter Olympics-a tel tur hian an sawm tho va, amaherawchu ram hming neiin an tel thei dawn lo thung.

Lungawilohna thlentu infiammi 32 zingah hian Olympic champion speed skater Viktor Ahn leh Biathlon gold medallist Anton Shipulin-te pawh an tel a ni.

Copyright © inkhel.com 2024. All rights reserved.