16 May 2018 09:26

Inkhel

Mizo Sports Website hmasa ber

​Buffon-a'n chawlh a puang dawn ta

Juventus leh Italy goalkeeper Gianluigi Buffon chuan tun Ningani lo awm turah hian press conference a ko dawn a, hetah hian a chawlh tur thu a puan a rinawm niin bbc chuan a tarlang.

Kum 40 mi khawvela goalkeeper tha ber pakhat Buffon hian a zawnin Juventus chu Serie A title vawi 7 a lakpui bakah a zawn bawkin Coppa Italia title vawi 4 a lakpui bawk a. Tun Pathianni hian tun season Serie A match hnuhnung ber khelh a ni dawn.

Juventus chuan Hellas Verona an hmachhawn dawn a, Parma atanga Juventus-in an lei Buffon hian Serie A match 640 a khel anga, tichuan football a chawlhsan dawn ta niin a lang ta.

"Gigi dang hi an rawn chhuak leh tawh lovang. A hma hun tur chungchang kei chuan ka sawi thei lovang, press conference a neih hunah a sawi mai dawn a ni," tiin Buffon-a agent Silvano Martina chuan Italian media a hrilh.

Buffon hian football a khelh chhung competitive match 1050 a khel a, Serie A title 9, Coppa Italia title 5, UEFA Cup 1 leh World Cup 1 a hlawhchhuak a ni.