​British MotoGP-ah Dovizioso pakhatna

28th August 2017, 04:08AM

Silverstone-a British GP-ah Rossi chuan bul tan thain intlansiak lap tam zawk hma hruai mahse a tawp lamah Dovizioso chuan Rossi a rawn pel a, pakhatna a ni chhunzawm ta a ni.

Rossi hian bike ke hnung lamah soft tyre a hmang, intlansiak bul tan a ni a, pole-a awm Marquez tlan pelin hma a hruai ta ngar ngar a. Marquez chu lap 7 a la awm tihin a khawl a chhiat avangin a chawl ta a.

Lap 3 a la awm tihin Dovizioso chuan Rossi a rawn tlan pel. A hma lama tlan zingah Rossi chiah bike ke hnunga soft tyre hmang a ni, mi dangin hard tyre an hmang, khua a lum that em avangin Rossi-a tyre a ral chak em em a, a tawp lamah phei chuan grip a nei tha tawh lo.

Lap tawp pahnihah phei chuan Rossi a hnufual hle a, Vinales chuan rawn pel ve leh bawkin pathumnaah a thleng a, podium a chang ta hram a ni. Premier-class ah Rossi hi vawi 300 a inlanna a ni a, hemi tum hian pakhatna vawi 90 a nihna hmel a hmu teuh hle a ni. Marquez pawh a tlan tha hle a, a bike khawl chhe lo selang chuan podium a chan ngei a rinawm.

Championship-ah Dovizioso chuan hma hruaiin, Marquez chuan point 9 in a thlau. Vinales chu pathumna a ni a, Rossi chu 4-na a ni mek a, hmahruaitu Dovizioso hi Rossi hian poin 26 in a phak lo mek a ni.

British MotoGP results:

1. Andrea Dovizioso (Ita/Ducati) 40 minutes 45.496 seconds

2. Maverick Vinales (Spa/Yamaha) 40:45.610

3. Valentino Rossi (Ita/Yamaha) 40:46.245

4. Cal Crutchlow (GB/ Honda) 40:47.175

5. Jorge Lorenzo (Spa/Ducati) 40:49.004

6. Johann Zarco (Fra/Yamaha) 40:52.497

7. Dani Pedrosa (Spa/Honda) 40:56.440

8. Scott Redding (GB/Ducati) 40:59.123

9. Alex Rins (Spa/Suzuki) 41:01.157

10. Alvaro Bautista (Spa/Ducati) 41:10.775

Championship standings:

1. Andrea Dovizioso (Ita/Ducati) 183 points

2. Marc Marquez (Spa/Honda) 174

3. Maverick Vinales (Spa/Yamaha) 170

4. Valentino Rossi (Ita/Yamaha) 157

5. Dani Pedrosa (Spa/Honda) 148

6. Johann Zarco (Fra/Yamaha) 109

7. Jorge Lorenzo (Spa/Ducati) 90

8. Cal Crutchlow (GB/Honda) 89

9. Jonas Folger (Ger/Yamaha) 77

10. Danilo Petrucci (Ita/Ducati) 75

Copyright © inkhel.com 2024. All rights reserved.