​British GP-ah Hamilton pakhatna

17th July 2017, 05:07AM

Lap khat chiah tlan tur a la awm tihin Ferarri car pahnih ke a chhia, pit-ah an lut ve ve, Raikkonen erawh a vannei a, podium a chang hram a, Vettel erawh a vanduai tlang ta a ni.

Hamilton chuan pole atangin bul a tan a, a tawp thlengin a fal, British GP-ah a vawi 5 nan pakhatna a ni a, Bottas a rawn tlan tha hle a, beisei phak bakin a rawn tlan a, pahnihna a rawn ni.

Vettel chu pasarihnaah a thleng a, Championship-ah hma la hruai tho mahse point khat chiahin Hamilton chuan a thlau ta a ni.

Hamilton hian home-ah a zawnin vawi 4 ngawt pakhatna dinhmun a hauh ta a, Italian Scot Jim Clark leh Frenchman Alain Prost-a te record a nihrual ta chiah bawk.

He intlansiak hi a tir atangin a hmuhnawm em em lohva, pole atanga bul tan Hamilton a fal em em, umphak ngaihna a awm lo. A tir lamah Max Verstappen leh Vettel inum hle mahse tawnhriat ngah zawk Vettel a chungnung.

Super Soft leh Soft tyre hmang vek an ni a, tlan pawh an tlanchak, hetih lai hian Silverstone chung zawn erawh chhum dum chhahpuiin a tuam, engtik lai pawha ruah tla thei reng a ni, mahse Hamilton-a tan engkim duhthusam a ni ta vek a, a tawp dawn tak tak lap-ah phei chuan Vettel leh Kimi te ke a chhe bawk, Hamilton-a tan chuan a duhthusam a thleng kim kan ti thei awm e.

"Tunkar chhung zawnga mipuite min support-na a turu hle mai, tuna hnehna ka chan hi in tana ka tih a ni. Tuna ka tum ber chu Champion a ni ta," tiin Hamilton chuan a sawi.

British Grand Prix result

1. Lewis Hamilton, Mercedes

2. Valtteri Bottas, Mercedes, +14.063

3. Kimi Raikkonen, Ferrari, +36.570

4. Max Verstappen, Red Bull, +52.125

5. Daniel Ricciardo, Red Bull, +65.955

6. Nico Hulkenberg, Renault, +68.109

7. Sebastian Vettel, Ferrari, +93.989

8. Esteban Ocon, Force India, +1 lap

9. Sergio Perez, Force India, +1 lap

10. Felipe Massa, Williams, +1 lap

11. Stoffel Vandoorne, McLaren, +1 lap

12. Kevin Magnussen, Haas, +1 lap

13. Romain Grosjean, Haas, +1 lap

14. Marcus Ericsson, Sauber, +1 lap

15. Daniil Kvyat, Toro Rosso, +1 lap

16. Lance Stroll, Williams, +1 lap

17. Pascal Wehrlein, Sauber, +1 lap

DNF Fernando Alonso, McLaren

DNF Carlos Sainz, Toro Rosso

DNS Jolyon Palmer, Renault

Copyright © inkhel.com 2024. All rights reserved.