​Brazilian GP-ah Hamilton pakhatna

14th November 2016, 06:11AM

Ruah nasa tak sur karah Brazilian GP tlan zawh hram a ni a, Lewis Hamilton pakhatna niin a teammate Nico Rosberg pahnihna a ni a. Red Bull driver Max Verstappen chu ropui taka tlanin podium a chang bawk a ni.

Tun season-ah Hamilton hi a vawi 9 chakna a nih laiin Brazilian GP-ah erawh a vawi khat pakhatna nihna chauh a ni. Nico chu pahnihna a nih avangin dinhmun thaah a la ding thova.

Championship point-ah Hamilton chuan point 12-in a team-mate Nico Rosberg a la phak lo mek. Intlansiak vawi khat chiah a awm tawh. November ni 27-ah Abu Dhabi-ah intlansiak hnuhnung ber neih a ni dawn. Hetah hian Hamilton pakhatna ni mahse Rosberg pahnihna a nih chuan Rosberg chu World Champion a ni thei dawn tho a ni.

Ruah sur nasa tak karah Safety Car nen intlansiak bul tan a ni a, accident an awm nual a, chetsual vang leh ruah sur nasat avangin vawi hnih red flag vai a ni a, safety car vawi 5 lai tlan tir a ni bawk.

Red Bull driver Max Verstappen a tlan ropui hle a, tyres an thlak hun an duhthusam ni chiah lo mahse 13-na atangin theih tawpin a tlan chho leh a, Force India driver Sergio Perez chu pathumna ni ngei tura a lan hnuah Max hian lap 1 a la awm tihin a pel leh a, podium a chang ta nge nge a ni.

Kumina F1 chawlhsan tur Brazilian driver Fellipe Massa chuan a duhthusam ni lovin Brazilian GP a khar a, Brazilian GP a tlan hnuhnung berah Lap 48-ah Massa hi a chesual hlauh a, mittui nen Brazilian GP a vai liam ta a ni. He intlansiak chhimtu zingah GNR guitarist hlui Slash chuan ngaihven a hlawh hle nghe nghe a ni.

2016 Brazilian GP Results

1. Hamilton (Mercedes)

2. Rosberg (Mercedes)

3. Verstappen (Red Bull)

4. Prez (Force India)

5. Vettel (Ferrari)

6. Sainz Jnr (Toro Rosso)

7. Hulkenberg (Force India)

8. Ricciardo (Red Bull)

9. Felipe Nasr (Sauber)

10. Alonso (McLaren)

11. Bottas (Williams)

12. Esteban (Manor)

13. Kvyat (Toro Rosso)

14. Magnussen (Renault)

15. Button (McLaren)

R. Gutierrez, Massa, Palmer, Raikkonen, Ericsson, Grosjean

Copyright © inkhel.com 2024. All rights reserved.